Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolalyq tártip saqshylary jolda qalǵan júrgizýshige kómektesti

2021 jyldyń 20 qańtar 2021 19:07

KÓKShETAÝ. QazAqparat - Aqmolalyq tártip saqshylary aıazda kóliginiń benzıni taýsylyp, jolda qalǵan júrgizýshige kómektesti, dep habarlaıdy QazAqparat tilshisi.

Oblystyq polıtsııa departamenti baspasóz qyzmetiniń málimetinshe, bıylǵy jylǵy qańtardyń 19-da polıtsııa kishi leıtenanty Álnur Ómirzaqov pen polıtsııa kapıtany Áset Ahmetov «Nur-Sultan-Pavlodar» tas jolynyń 160-shy shaqyrymynda toqtap turǵan «Nissan» avtokóligin baıqaǵan. 42 jastaǵy júrgizýshiden suraı kele, onyń Semeı qalasyna baǵyt alǵanyn, jolda kóliginiń benzıni taýsylyp qalǵanyn anyqtady.

«Júrgizýshi jolda shamamen jarty saǵat turyp qalǵan. Tártip saqshylary onyń kóligine janarmaı jetkizip berdi. Nátıjesinde júrgizýshi tártip saqshylaryna alǵysyn aıtyp, saparyn odan ári jalǵastyrdy», - dedi Aqmola oblysy polıtsııa departamentiniń baspasóz hatshysy Ásem Ábdikárimova.


Avtor Aslan Ospanov
Basty sózder: Aqmola oblysy, Oqıǵa, QR ІІM,
Joǵary qaraı