Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolalyq jaýyngerlerdiń súıegi 79 jyldan keıin elge jetkizildi

2021 jyldyń 12 maýsym 2021 17:16

KÓKShETAÝ. QazAqparat – Kókshetaýdaǵy Dańq memorıalynda Ekinshi dúnıejúzilik soǵysynyń qatysýshylary Kamen Jumanov, Tóleýbaı Jumabekov jáne belgisiz jaýyngerge áskerı qurmet kórsetýge arnalǵan «Erlikke taǵzym» estelik aktsııasy ótti, dep habarlaıdy QazAqparat tilshisi Aqmola oblystyń ishki saıasat basqarmasyna silteme jasap.

Taǵylymdy sharaǵa aımaq Ermek Marjyqpaev, Reseı Federatsııasy Elshiliginiń, «Atamnyń amanaty» qoǵamdyq birlestiginiń ókilderi, sondaı-aq qaza tapqan jaýyngerlerdiń týystary qatysty.

Aımaq basshysy óz sózinde izdestirý tobyna alǵys aıtyp, atalǵan aktsııanyń óskeleń urpaq úshin mańyzdylyǵyn atap ótti.

«Biz qazir Otanymyzdy fashızmnen qorǵaǵan atalarymyz ben ákelerimizdiń jaýyngerlik erlikteriniń mysaldaryn jańa urpaqtyń jadynda saqtaý úshin kóp jumys istep jatyrmyz. 90 myń aqmolalyqtyń 37 myńnan astamy soǵystan oraldy. Biz 500-den astam qazaqstandyq batyrlardyń arasynda Aqan Qurmanov, Aleksandr German, Nıkolaı Sergıenko sııaqty jerlesterimizdiń baryn maqtan tutamyz», - dep atap ótti E.Marjyqpaev.




Aıta keteıik, 4 jyl ishinde Stepnogorsk qalasynyń «Pokolenıe» jáne «Kókshe-izdestirý» jasaǵynyń izdeýshileri soǵysqa qatysqan 200-ge jýyq adamnyń máıitin taýyp, jerlengen oryndaryn anyqtady.

1942 jyly 21 aqpanda Qorǵaljyn aýdandyq áskerı komıssarıaty shaqyrǵan Aqmola oblysynyń týmalary Kamen Jumanov pen Tóleýbaı Jumabekovtyń súıekteri aǵymdaǵy jyldyń sáýir aıynda Tver oblysy Rjev qalasynyń aýmaǵynda Máskeý qalasynyń «Pıoner» izdestirý jasaǵymen tabyldy. Úshinshi jaýyngerdiń qaldyqtaryn anyqtaý múmkin bolmady.

Mıtıngten keıin sarbazdardyń súıegi týǵan jeri Qorǵaljyn aýdanyna qaıta jerleýge jiberildi.


Joǵary qaraı