Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Aqmolanyń Jaqsy aýdanynda dári-dármektiń 2 aılyq qory jasalǵan - ákim

2020 jyldyń 20 qarasha 2020 22:32

KÓKShETAÝ. QazAqparat - Aqmola oblysy Jaqsy aýdanynyń medıtsınalyq mekemelerinde koronavırýs ınfektsııasynyń ekinshi tolqynyna daıyndyq sheńberinde dári-dármek jáne jeke qorǵaný quraldarynyń 2 aılyq qory jasalǵan. Bul týraly óńirlik kommýnıkatsııalar qyzmetinde ótken brıfıngte aýdan ákimi Baýyrjan Málgajdarov aıtty, dep habarlaıdy QazAqparat tilshisi.

Ákimniń sózinshe, aýdanda turaqty epıdemıologııalyq jaǵdaıdy qamtamasyz etý úshin barlyq sharalar qabyldanyp otyr.

«Birinshi tolqyn qyzǵan kezde aýdandyq aýrýhana bazasynda 30 tósektik «provızorlyq» bólimshe ashyldy, onda 101 adam emdeldi. Aýdannyń medıtsınalyq mekemelerinde dári-dármekter men jeke qorǵaný quraldarynyń 2 aılyq qory jasaldy. Bosandyrý bólimshesi úshin jabdyqtar, sondaı-aq statsıonarlyq jáne jyljymaly rentgen apparaty satyp alyndy. Halyqqa qyzmet kórsetý úshin 1 jedel járdem mashınasy bólindi», - dedi aýdan ákimi.

Sonymen qatar, bıylǵy jyl aýdandyq aýrýhana ǵımaratynyń baspaldaqtary, qasbeti men qorshaýyna jóndeý jumystary júrgizilýde.

Medıtsına kadrlarynyń tapshylyǵyn sheshý jolynda aýdanda turǵyn úı máselesi oń sheshilip jatyr. Kóterme járdemaqy jáne jeke turǵyn úı satyp alý úshin paıyzsyz nesıe beriledi.

Jergilikti toǵyz stýdent aýdandyq bıýdjet esebinen elimizdegi medıtsınalyq joǵary oqý oryndarynda bilim alyp júr.

«Jaqsy aýylynda buryn 10 jyl boıy qańyrap turǵan aýrýhana ǵımaratyn 8 páterli turǵyn úı retinde qaıta jóndep jatyrmyz. Onda medıtsına salasynyń mamandary ornalasady. Búgingi kúni nysan qurylysy aıaqtalý satysynda, nysandy paıdalanýǵa berý aǵymdaǵy jyldyń jeltoqsan aıynda josparlanǵan», - dedi aýdan ákimi.


Joǵary qaraı