Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh elshiligimen birlesip Pavlodarda áıelderge arnalǵan bıznes-akademııa ashylady

2021 jyldyń 13 qyrkúıek 2021 16:59

PAVLODAR. QazAqparat – Pavlodardaǵy joǵary oqý ornynda AQSh elshiliginiń kómegimen óńir áıelderine arnalǵan bıznes-akademııa ashylady, dep habarlaıdy QazAqparat Pavlodarnews.kz-ke silteme jasap.

Bilim alýshylar tobyna elementary deńgeıine saı aǵylshyn tilin biletin, bıznespen aınalyspaıtyn, 18-40 jas aralyǵyndaǵy qyzdar men áıelder kiredi,
Pavlodar oblysynda áıelder kásipkerligin damytýmen 2021-2022 jyldarǵa arnalǵan «Academy of Women Entrepreneurs» jobasyn iske asyrýǵa AQSh Elshiliginiń grantyn alǵan ýnıversıtet aınalysady.

Aıta ketsek, oblysta 52 000 shaǵyn jáne orta bıznes sýbektisi bar. Olardyń 44,4%-yn áıelder júrgizedi. Áıelder bıznesi baıaý damýda. Sondyqtan jobanyń maqsaty - Pavlodar, Ekibastuz jáne Aqsý áıelderine ózderiniń ekonomıkalyq áleýetin iske asyrýǵa kómektesý jáne sol arqyly óńirdiń ekonomıkasyn kúsheıtý.

– Jobanyń basty mindeti - qatysýshylarǵa bıznesti júrgizý negizderi týraly keshendi jáne júıeli túsinik berý, olardyń bıznes-daǵdylary men quzyretterin jetildirýge kómektesý, bıznestegi óz strategııasyn túsinýdi qalyptastyrý jáne ózine senimdilik pen bıznestegi óz ıdeıasynyń sáttiligine ýájdeme alý, - deıdi ýnıversıtet rektory Anastasııa Alııasova. - Jobanyń tálimgerleri retinde Amerıkanyń halyqaralyq sarapshylary, ekonomıkanyń túrli sektorlarynda jumys isteıtin, óz tájirıbesimen bólisýge jáne sizdiń bıznes-ıdeıalaryńyzǵa, onyń ishinde qarjylyq qoldaý kórsetýge daıyn kásipkerler bolady. Pavlodar oblysynyń isin jańa bastaǵan kásipkerlerine «Bıznes-angely Amerıkı» iri halyqaralyq uıymy kómek kórsetedi.

«Áıelder bıznes-akademııasynyń qurylýy 9 qyrkúıekte «Atameken« palatasynda ótken oblys ákiminiń orynbasary Sáken Shaıahmetovpen kezdesýde pavlodarlyq kásipkerler kótergen ózekti máseleni sheshedi», - dep atap ótti bastamashylar.

Joba bir jyl ishinde ázirlendi, kelissózder, kelisimder júrgizildi..

Jobaǵa qatysý úshin kelesi silteme boıynsha saýalnamany toltyrý qajet: https://goo.su/7lvx


Joǵary qaraı