Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh mamandary medıtsınalyq josparlaý kýrstaryn ótkizýde - Qorǵanys mınıstrligi

2021 jyldyń 2 qarasha 2021 12:10

NUR-SULTAN. QazAqparat - Bitimgerlik daıarlyq ortalyǵynda Amerıka Qurama Shtattary Qarýly Kúshteriniń medıtsına mamandarynyń qatysýymen bitimgershilik operatsııalardy áskerı-medıtsınalyq qamtamasyz etý kýrstary uıymdastyryldy. Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy.

Oqytý aldaǵy ýaqytta BUU mıssııasyna jiberýi josparlanǵan Qazaqstan Qarýly Kúshteriniń ekinshi deńgeıdegi áskerı-dalalyq gospıtaliniń quramyna engizýge kandıdat retinde iriktelgen áskerı qyzmetshilerge arnalǵan.

Medıtsınalyq josparlaýdyń bazalyq deńgeıi kýrsyna medıtsınalyq qamtamasyz etý negizderi, mıssııalardaǵy medıtsınalyq qyzmet komponentterin zerdeleý, medıtsınalyq qyzmettegi baılanys jáne aqparattyq júıeler, medıtsınalyq barlaýdy júrgizý, materıaldyq-tehnıkalyq qamtamasyz etý sabaqtary engizildi. Sondaı-aq, medıtsınalyq evakýatsııa jáne jedel medıtsınalyq josparlaý sabaqtary ótkiziledi.

Kýrs baǵdarlamasyna Ulybrıtanııa elshiligi uıymdastyrǵan til daıyndyǵy da kiredi.

Bitimgershilik boıynsha daıyndyq sabaqtary Qazaqstan Respýblıkasy men Amerıka Qurama Shtattarynyń qorǵanys vedomstvolary arasyndaǵy ózara is-qımyl sheńberinde uıymdastyryldy.


Basty sózder: BUU, AQSh, Medıtsına, Ásker,
Joǵary qaraı