Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«AQSh pandemııadan bas tartty» - aqparat feık

2022 jyldyń 21 qańtar 2022 20:30

NUR-SULTAN. QazAqparat - Áleýmettik jelilerde AQSh pandemııadan bas tartty degen aqparat taratylýda. Vıdeo avtory Amerıka úkimet COVID-19-dan bolǵan ólim-jitim týraly derekterdi jınaýdy toqtatty degen málimdemeden keıin osyndaı qorytyndy jasaǵan. Stopfake.kz saıtynyń jazýynsha, bul aqparat shyndyqqa janaspaıdy, dep habarlaıdy QazAqparat.

Saıttyń jazýynsha, AQSh federaldy úkimeti koronavırýstan ólim-jitim týraly kúndelikti esepterdi jınaýdan bas tartqany ras.

2022 jylǵy 6 qańtarda AQSh Densaýlyq saqtaý jáne áleýmettik qyzmet kórsetý mınıstrligi (HHS) aýrýhanalar Densaýlyq saqtaý mınıstrligine esep beretin jańa nusqaýlar shyǵardy. Jańa qujat boıynsha medıtsınalyq uıymdar ár kúnniń sońynda koronavırýs ınfektsııasynan qaıtys bolǵandar týraly málimet usynbaıda. Degenmen, KVI rastalǵan jańa túsken naýqastar týraly kúndelikti esepter mindetti bolyp qala beredi.
Alaıda, bul AQSh koronavırýstan bolǵan ólim-jitim boıynsha statıstıka júrgizýdi toqtatty degenniń belgisi emes. Aýrýhanalar áli de bolsa qaıtys bolǵandar týraly málimetterdi shtattyń densaýlyq saqtaý organdaryna, al shtattar arqyly Aýrýlardy baqylaý jáne aldyn alý ortalyqtaryna (CDC) jiberedi.
«COVID-ten bolǵan ólimi týraly málimetter kópshilikke qol jetimdi bolyp qala beredi», – dedi AQSh Densaýlyq saqtaý jáne áleýmettik qyzmet kórsetý departamentiniń qoǵammen baılanys jónindegi hatshysynyń kómekshisi CDC-ge silteme jasaı otyryp.

«Aýrýhanalar densaýlyq saqtaý mınıstrligine COVID-19-dan ólim-jitim týraly kún saıyn esep bermeıdi. Biraq bul CDC-ge osy derekterdi jiberetin jergilikti densaýlyq saqtaý organdaryna barlyq osyndaı jaǵdaılar týraly habarlaýdyń qajeti joq degenniń belgisi emes. Biz áli de ólim-jitimdi esepteımiz», – dedi Atlantic jýrnalısti jáne COVID baqylaý jobasynyń negizin qalaýshy Erın Kıssane.

Osylaısha, AQSh pandemııadan bas tartty, sondaı-aq COVID-19 bolatyn ólim budan bylaı tirkelmeıdi degen tujyrymdar negizsiz jáne manıpýlıatsııa bolyp tabylady.


Joǵary qaraı