Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh sarapshylary Qazaqstandaǵy avıatsııalyq qaýipsizdiktiń joǵary deńgeıin atap ótti

2021 jyldyń 3 qarasha 2021 09:33

NUR-SULTAN. QazAqparat - Júrgizilgen sholý nátıjeleri boıynsha AQSh Kólik qaýipsizdigi ákimshiliginiń (TSA) sarapshylary eldegi avıatsııalyq qaýipsizdikti qamtamasyz etýdiń joǵary deńgeıin atap ótti jáne azamattyq avıatsııany zańsyz aralasý aktilerinen qorǵaý boıynsha júrgizilip jatqan sharalarǵa oń baǵa berdi. Bul týraly QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap habarlaıdy.

Qazaqstannyń avıatsııalyq bılik oryndarynyń shaqyrýy boıynsha qazaqstandyq áýejaılardy reısterge qyzmet kórsetý qabiletine sertıfıkattaý jáne Amerıka Qurama Shtattaryna tikeleı áýe marshrýtyn ashý úshin CAT1 taǵaıyndaý boıynsha jumystar bastaldy. TSA sarapshylary avıatsııalyq qaýipsizdikti qamtamasyz etý

jaǵdaıyn baǵalaý maqsatynda Azamattyq avıatsııa komıtetinde, Qazaqstannyń avıatsııalyq ákimshiliginde, Nur-Sultan jáne Almaty qalalarynyń áýejaılarynda boldy.

TSA komandasy avıatsııalyq qaýipsizdik salasyndaǵy qoldanystaǵy normatıvtik quqyqtyq aktiler men sapany baqylaý is-sharalary Halyqaralyq azamattyq avıatsııa uıymynyń (IKAO) standarttary men usynylatyn

praktıkasyna sáıkes keletinin atap ótti. Nur-Sultan jáne Almaty qalalarynyń áýejaılarynda júrgiziletin sharalar men rásimder halyqaralyq talaptarǵa saı keledi, al keıbir aspektiler boıynsha sharalar belgilengen standarttardan da joǵary. Mysaly, áýejaıdyń perımetrin kúzetý jáne qorǵaý, qoljetimdiligi kúzetiletin aımaqtarda kirýdi baqylaýdy qamtamasyz etý, qaýipsizdikti qamtamasyz etetin personaldy irikteý jáne biliktiligin arttyrý, bortta tamaqtaný, júkti jáne poshtany tekserý jónindegi sharalar.




Keıbir salalarda sarapshylar kıberqaýipsizdik, azamattyq avıatsııany ushqyshsyz ushý apparattaryn paıdalaný arqyly zańsyz aralasý aktilerinen qorǵaý jáne jolaýshylardy tekserý kezinde qoldanylatyn áýejaılardaǵy tekserý jabdyqtaryn jańǵyrtý salasyndaǵy sharalardy jetildirý múmkindikterin atap ótti. Jolaýshylardy úsh ólshemdi skanerleý jabdyǵyna (bodı-skanerler) birtindep kóshý jáne tekserý pýnktterinde jarylǵysh zattardyń zamanaýı detektorlaryn paıdalaný.

Avıatsııalyq personaldy jáne olardyń zattaryn tekserý rásimderin, reısterdiń ulǵaıýyna baılanysty tekserý pýnktteri men beketteriniń sanyna baılanysty avıatsııalyq qaýipsizdik qyzmetindegi kadrlardy jasaqtaý jónindegi sharalardy jaqsartý boıynsha usynymdar berildi.




Sonymen qatar, Qazaqstan áýejaılarynyń ishinde eń úzdik bolyp sanalatyn Almaty áýejaıynda kınologııa boıynsha júrgizilip jatqan aýqymdy jumystar atap ótildi.

Sarapshylar Azamattyq avıatsııa komıtetiniń, Avıatsııalyq retteýshi men áýejaılardyń úılesimdi jumysyn baǵalady, aýdıtorlar aldynda ashyqtyqty atap ótti. TSA komandasy bizdiń mamandarmen avıatsııalyq qaýipsizdikti qamtamasyz etý boıynsha ozyq tájirıbemen almasý boıynsha konsýltatsııalar ótkizdi, barlyq týyndaǵan máseleler boıynsha túsiniktemeler berdi.

Qazaqstannyń avıatsııalyq ákimshiligi men AQSh-tyń Kólik qaýipsizdigi ákimshiligi arasyndaǵy yntymaqtastyqty AQSh-qa tikeleı reıster ashý sheńberinde jalǵastyrý jáne keńeıtý týraly sheshim qabyldandy.





Joǵary qaraı