Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-ta 5-11 jas aralyǵyndaǵy balalarǵa vaktsına egý maquldandy

2021 jyldyń 3 qarasha 2021 15:05

ATLANTA. QazAqparat – AQSh-tyń Aýrýdy baqylaý jáne aldyn alý ortalyǵynyń dırektory Roshel Valenskıı 5-11 jas aralyǵyndaǵy balalardy koronavırýsqa qarsy egý úshin amerıkalyq Pfizer jáne nemistiń BioNTech kompanııalarynyń vaktsınalaryn qoldanýdy usyndy, dep habarlaıdy QazAqparat Axios-qa silteme jasap.

AQSh-tyń Aýrýlardy baqylaý jáne aldyn alý ortalyqtarynyń toby júrgizgen modeldeýge sáıkes, 5-11 jas aralyǵyndaǵy balalardy vaktsınalaý koronavırýs ınfektsııasynyń taralýyn 2021 jyldyń qarashasynan 2022 jyldyń naýryzyna deıin 8% tómendetedi.

Top múshesi Sara Olıverdiń aıtýynsha, vaktsınatsııa vırýstyń yqtımal jańa nusqasynyń áserin azaıtýǵa kómektesedi.

Buǵan deıin AQSh Densaýlyq saqtaý jáne áleýmettik qyzmet mınıstrliginiń janyndaǵy Azyq-túlik jáne dári-dármekter sapasy basqarmasy 5-11 jastaǵy oqýshylarǵa Pfizer jáne BioNTech kompanııalarynyń koronavırýsqa qarsy vaktsınalaryn qoldanýdy maquldaǵan bolatyn.

Oqý jyly bastalǵaly beri AQSh-ta balalar arasynda koronavırýsqa shaldyqqandar sany tez artqany baıqaldy.

Aýrýhanalarǵa koronavırýs juqtyryp túsken balalardyń sany maýsymnyń aıaǵynan tamyzdyń ortasyna deıin alty apta ishinde bes ese ósti delingen.

5-11 jas aralyǵyndaǵy balalar eresekterge arnalǵan dozanyń úshten bir bóligin quraıtyn vaktsınalar alady dep habarlanǵan. Ekinshi doza birinshi dozany alǵan sátten bastap úsh aptadan keıin engiziledi. Sondaı-aq, ımmýnıteti álsiz balalarǵa úshinshi doza salynbaıtyny atap ótildi.

AQSh-tyń Aýrýlardy baqylaý jáne aldyn alý ortalyqtarynyń málimetteri boıynsha, eldegi 1,9 mıllıon balaǵa koronavırýs dıagnozy qoıylǵan.


Joǵary qaraı