Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-ta shól ortasynda 5 mln adamǵa arnalǵan qala salynady

2021 jyldyń 3 qyrkúıek 2021 14:09

NUR-SULTAN. QazAqparat – Danııalyq Bjarke Ingels Group (BIG) kompanııasy AQSh-taǵy shóldiń ortasynda salynatyn Telos dep atalatyn bes mıllıon adamǵa arnalǵan qala qurylysyn júzege asyrý jobasyn usyndy, dep habarlaıdy QazAqparat World Architecture Community-ge silteme jasap.

Qala jospary 12 myń gektardan bastalady, 10-20 jyl ishinde salynady. Aldaǵy 40 jyl ishinde qala halqy 5 mıllıon adamǵa deıin ósedi dep boljanýda. Alaıda uıymdastyrýshylar 2030 jylǵa qaraı 50 myń adamǵa arnalǵan qala qurýdy maqsat etip otyr. Telos qalasyn salý tyǵyzdyǵy ár gektarǵa shamamen 33 adamdy quraıdy. Bul San-Frantsıskodaǵy qurylys tyǵyzdyǵyna teń. Telostyń alǵashqy turǵyndary 2030 jyly qonys aýdarady dep kútilýde.




Aıta ketý kerek, 60,7 myń gektardan astam aýmaqqa nólden bastap qalany salý ıdeıasy kásipker Mark Lorǵa tıesili. Óz kezeginde jobamen danııalyq sáýletshi jáne BIG bıýrosynyń negizin qalaýshy Bıarke Ingels aınalysady.

Qala birneshe aýdanǵa bólinedi. Ǵımarattar ekologııalyq taza materıaldardan turǵyzylady, qasbetteri ishinara ósimdiktermen jabylady, al avtonomdy kólik quraldary jol boıymen qozǵalady.








Basty sózder: AQSh, Qurylys,
Joǵary qaraı