Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-taǵy surapyl daýyl: qaza tapqandar sany 45 adamǵa jetti

2021 jyldyń 3 qyrkúıek 2021 09:27

NЬıÝ-IORK. QazAqparat – AQSh-tyń soltústik-shyǵysyndaǵy «Ida» daýyly saldarynan mert bolǵandar sany 45 adamǵa jetti. Bul týraly QazAqparat CNN telekompanııasyna silteme jasap habarlaıdy.

Eń qatty zardap shekken Nıý-Iork jáne Nıý-Djersı shtattarynda ondaǵan adam kóz jumdy. Pensılvanııa shtatynda da opat bolǵandar bar. Al buǵan deıin AQSh-tyń soltústik-shyǵysynda 29 adamnyń kóz jumǵany habarlanǵan edi.

Sársenbi kúni úsh shtattyń bıligi «Ida» daýylyna baılanysty óz aýmaqtarynda tótenshe jaǵdaı rejımin engizdi.

Birneshe saǵattyń ishinde Nıý-Iorkte 15-25 cm jaýyn-shashyn túsken. Jergilikti turǵyndardyń telefondaryna sý basý jáne tornado qaýpi týraly habarlama kelgen. Brýklın men Kvıns aýdandarynda jergilikti turǵyndar áleýmettik jelilerde kósheler, úıler, metropolıten stansalaryn sý basqany týraly jazdy. Nóser jaýyn saldarynan úsh qalalyq áýejaı jumysy ýaqytsha toqtatylǵan, qalada ótip jatqan AQSh-tyń tennısten Ashyq chempıonatynyń (US Open) birneshe matchy toqtatyldy.

















Basty sózder: AQSh, Oqıǵa,
Joǵary qaraı