Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-tyń 10 shtatynda koronavırýstyń omıkron shtammy anyqtaldy

2021 jyldyń 4 jeltoqsan 2021 10:57

NЬıÝ-IORK. QazAqparat – Koronavırýstyń omıkron shtammyn juqtyrý jaǵdaılary Amerıkanyń 50 shtatynyń keminde 10 shtatynda tirkeldi, dep habarlaıdy QazAqparat The Wall Street Journal gazetine silteme jasap.

Basylymnyń jazýynsha, omıkron shtammyn juqtyrý jaǵdaılarynyń kópshiligi Afrıkanyń ońtústiginen kelgen patsıentterden anyqtalǵan. Alaıda keminde eki shtattan - Gavaıı men Mınnesotada koroavırýstyń jańa shtammy AQSh-tan shyqpaǵan adamdardan tabylǵan.

AQSh-tyń Aýrýdy baqylaý jáne aldyn alý federaldy ortalyqtarynyń saıtynda jarııalanǵan statıstıkalyq kórsetkishterge sáıkes, elde sońǵy birneshe kúnde koronavırýs juqtyrýshylar sany artqan. Beısenbi kúni AQSh-ta 138,4 myń aýrý juqtyrýdyń jańa jaǵdaılary anyqtaldy. Dúısenbi kúni olardyń sany 102 myń bolǵan.

AQSh-ta koronavırýstyń omıkron shtammyn juqtyrýdyń alǵshqy jaǵdaıy sársenbi kúni Kalıfornııa shtatynda tirkeldi. Jańa shtamm anyqtalǵan patsıent AQSh-qa 22 qarasha kúni OAR-dan kelgen. Ol tolyqtaı vaktsınalanǵan.


Basty sózder: AQSh, Álemdegi koronavırýs,
Joǵary qaraı