Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

AQSh-tyń Memlekettik hatshysy Taıaý Shyǵysqa saparyn bastady

2020 jyldyń 24 tamyz 2020 20:20

TELЬ-AVIV. QazAqparat – AQSh-tyń Memlekettik hatshysy Maık Pompeo Taıaý Shyǵysqa bes kúndik saparyn bastady, dep habarlaıdy QazAqparat Ál-Jazıraǵa silteme jasap.

Dúısenbide Maık Pompeo Izraılge keldi, bul – amerıkalyq Memlekettik hatshynyń Taıaý Shyǵysqa jasaǵan alǵashqy sapary. Kezdesýlerdiń negizgi kún tártibi Izraıldiń BAÁ-men qarym-qatynasyn qalypqa keltirý, sondaı-aq basqa arab elderin Izraılmen dıplomatııalyq qatynastar ornatýǵa tartý bolady.

Tel-Avıv áýejaıyna AQSh týy beınelengen maska taǵyp túsken Pompeo Izraıl premer-mınıstri Bınıamın Netanıahýmen kezdesip, aldaǵy kúnderi Sýdan, Bahreın jáne BAÁ-ge barýy kerek.

Vashıngton men Tel-Avıv Izraıl aımaqtyń basqa elderimen, sonyń ishinde Iranǵa qatysty ustanymdaryn qoldaıtyn eldermen qarym-qatynasyn qalypqa keltire alady dep úmittenedi.

«Ierýsalımde Pompeo men Netanıahý Irannyń yqpalyna, sondaı-aq Izraıldiń óńirdegi qarym-qatynasyn ornatýǵa jáne tereńdetýge baılanysty óńirlik qaýipsizdik máselelerin talqylaıdy», dedi AQSh Memlekettik departamenti.

Sapar barysynda Pompeo prezıdent Donald Tramptyń aǵa keńesshisi jáne kúıeý balasy Djared Kýshnermen birge júredi.

Eske sala keteıik, 13 tamyzda BAÁ men Izraıl jaqyn arada elder arasyndaǵy qarym-qatynasty qalypqa keltirý týraly kelisimge qol qoıý nıeti týraly habarlaǵan bolatyn. AQSh prezıdenti D. Tramp kelisimdi «eki úlken dosymyzdyń arasyndaǵy tarıhı beıbitshilik kelisimi» dep baǵa berip, «úlken serpilis» dep atady. Palestına ákimshiligi kelisimdi qabyldamaı, BAÁ-degi elshisin qaıtaryp alatynyn jarııalady. Buǵan deıin Taıaý Shyǵys elderiniń ishinde Izraıl tek Egıpet jáne Iordanııamen beıbit kelisimderge ıe boldy.


Basty sózder: Álem, Taıaý Shyǵystaǵy ahýal, AQSh,
Joǵary qaraı