Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Aqsý» fýtbol komandasyna jańa bapker taǵaıyndaldy

2022 jyldyń 19 qańtar 2022 13:30

NUR-SULTAN. QazAqparat - Bıyl fýtboldan Premer-lıgada alǵash ret baq synaıtyn «Aqsý» komandasy taǵaıyndalǵan jańa bas bapkerdi resmı túrde jarııalady, dep habarlaıdy QazAqparat tilshisi.

Bul jóninde klýbtyń baspasóz qyzmeti málim etti.

Komanda basshylyǵy bıyl ýkraınalyq maman Rýslan Kostyshınge senim artyp otyr.

R. Kostyshın 1977 jyly dúnıege kelgen. Fýtbolǵa alǵashqy qadamyn Hmelnıtskıı qalasynyń «Podole» komandasynda jasady.

Kásibı fýtbolshy ómirinde aldymen atalǵan qalanyń komandalarynda oınady.

Odan keıin Kıevtiń TsSKA, «Dnepr» jáne Krıvoı Rog qalasynyń «Krıvbass» quramynda oıyn kórsetti. Ýkraına Premer-lıgasynda barlyǵy 300-ge jýyq kezdesý ótkizdi.

2014 jyldyń aqpan aıynda Kıev oblysynyń «Kolos» komandasynyń bas jattyqtyrýshysy boldy.

Sol kezde atalǵan klýb Kıev oblysynyń chempıonatynda oıyn kórsetti.

Komanda Rýslan Kostyshınniń basshylyǵymen birneshe jyl ishinde áýesqoılar birinshiliginen elıtalyq dıvızıonǵa deıingi joldan ótti.

2020 jyldyń qyrkúıeginde komanda eýrokýbokta debıýt jasady. Bapkerdiń basshylyǵymen «Kolos»Ýkraınanyń alǵashqy tórttik komandalarynyń quramyna kirdi.

Eske salsaq, budan buryn «Turan» komandasyna bas bapker taǵaıyndaldy. Sondaı-aq, «Taraz» komandasyna da jańadan jattyqtyrýshy keldi.



Avtor Ádiljan Úmbet
Basty sózder: Fýtbol, Sport, Taǵaıyndaý,
Joǵary qaraı