Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtaý mańynda belgisiz suıyqtyq quıylǵan shólmekter tabyldy

2022 jyldyń 12 mamyr 2022 15:50

AQTAÝ. QazAqparat – Mańǵystaý oblysy Baıandy aýyly mańynan jergilikti turǵyn ishine belgisiz suıyqtyq quıylǵan kóptegen bótelke tapty, dep habarlaıdy QazAqparat Lada.kz saıtyna silteme jasap.

Sary tústi suıyqtyq quıylǵan bótelkeler 11 mamyrda, sársenbi kúni tabyldy. Er adam ony vıdeoǵa túsirip alǵan. Rolık avtory bótelkelerdi ashýǵa qoryqqanyn, onyń ishinde ýly hımıkattar bolýy múmkin ekenin naqtylady. Bul vıdeotaspany ekologııa departamenti kórip, onyń mán-jaıyn anyqtaý úshin oqıǵa ornyna memlekettik ekologııalyq baqylaý bólimi jáne ekologııa departamentiniń zerthanalyq-taldaý bólimi mamandary Baıandy aýyldyq okrýginiń polıtsııa qyzmetkerlerimen jáne Munaıly aýdanynyń sanıtarlyq-epıdemıologııalyq baqylaý basqarmasynyń mamandarymen birge bardy.

Sarapshylar bótelkelerdiń ishinde saqtaý merzimi ótken sýsyndar ekenin anyqtady.

«Bótelkelerdi kim jáne qashan tastaǵany belgisiz. Bizdiń mamandar Munaıly aýdanynyń ákimdigine qaldyqtardy jınap, polıgonǵa aparýǵa keńes berdi», - dep naqtylady ekologııa departamentinen.

Ekologtar Munaıly aýdanynyń polıtseılerine kinálilerdi anyqtap, olardy ákimshilik jaýapqa tartýdy ótindi.


Joǵary qaraı