Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtaý teńiz aılaǵynda 2 qosalqy aımaq salynady

2021 jyldyń 5 qazan 2021 10:14

NUR-SULTAN. QazAqparat – «Aqtaý teńiz porty» arnaıy ekonomıkalyq aımaǵynda 2 qosalqy aımaq salynady. Mańǵystaý oblysyn damytýdyń 2021-2025 jyldarǵa arnalǵan baǵdarlamasynda osyndaı joba qarastyrylǵan, dep habarlaıdy QazAqparat tilshisi.

Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty.

«Mańǵystaý oblysyn damytýdyń keshendi josparynyń jobasy aıasynda mınıstrlik jalpy somasy 257,5 mlrd teńge bolatyn 16 is-sharaǵa jaýapty. Óńirdi ónerkásiptik damytý úshin keshendi josparda «Aqtaý teńiz porty» arnaıy ekonomıkalyq aımaǵynyń aýmaǵynda №2 jáne №4 qosalqy aımaq qurylysyn bastaý usynylady», - dedi vedomstvo basshysy

Onyń aıtýynsha, bul maqsatqa 2023-2025 jyldar aralyǵynda 9,6 mlrd teńge bólý kózdelip otyr.

«Qosalqy aımaqtardyń ınfraqurylymyn aıaqtaýyna 327 mlrd teńge somasyna ınvestıtsııalar tarta otyryp, 1200 jumys ornyn qura otyryp, jobalarmen tolyqtyrýǵa múmkindik beredi. Jobalardy iske asyrý óńir ekonomıkasyn ártaraptandyryp, qosymsha jumys oryndaryn ashady. Bıýdjetke túsetin túsimdi arttyryp, mýltıplıkatıvtik áserin tıgizedi. Osylaısha, 1 teńge bıýdjettik ınvestıtsııaǵa 13,1 teńge jeke ınvestıtsııa tartý josparlanyp otyr», - dedi Beıbit Atamqulov.


Joǵary qaraı