Aýa raıy
Astana 1 °S
Almaty 6 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda 15 jasar jetkinshek áıeldi kólikpen 3 márte basyp ótken

2020 jyldyń 23 qyrkúıek 2020 13:51

AQTAÝ. QazAqparat – Aqtaýda 58 jastaǵy qala turǵynyn 15 jasar jetkinshek kóligimen úsh ret basyp ótken. Jetkinshek mas kúıinde kólik júrgizgen, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.

Departamenttiń habarlaýynsha, qazirgi ýaqytta tergeý sharalary júrgizilip jatyr.

«Atalǵan fakti boıynsha sot-medıtsınalyq saraptama taǵaıyndaldy, onyń nátıjesi boıynsha áıeldiń densaýlyǵyna aýyr zııan kelgen. QR QK 345-baby 2-bóligi, sondaı-aq QR QK 349-baby 2-bóligi boıynsha sotqa deıingi tergeý júrip jatyr», - dedi departamenttiń baspasóz qyzmeti.

Oqıǵa 18 shilde saǵat 23:30 shamasynda 9-shaǵynaýdandaǵy 18-úıdiń janynda bolǵan. Kámelet jasyna tolmaǵan bala «Volkswagen Jetta» markaly avtokóligimen 58 jastaǵy áıeldi qaǵyp ketken.





Qaıǵyly oqıǵa jaıynda jábirlenýshiniń qyzy Djýletta Djamıeva aıtyp berdi.

Onyń sózinshe, anasyn jas bala kólikpen úsh ret basyp, kóliktiń astynda qaldyrǵan. Jábirlenýshiniń 5 qabyrǵasy synyp, ókpesi tesilip, aıaq sińirleri úzilip ketken.





«Júrgizýshi alǵashynda qashyp ketkenimen, keıin ony quqyq qorǵaý organdarynyń qyzmetkerleri ustady. Ony alyp kelip, anasy keshirim sura degende, jasóspirimnen alkogoldiń ısi ańqyp turdy. Meniń anam oǵan kólikti durys júrgizbegeni úshin eskertý jasaǵanyn, óıtkeni aýlada ózge de kólikterdiń kóp bolǵanyn aıtty. Anamnyń eskertýine ashýlanǵan jetkinshek ony kólikpen qaǵyp ótip, jerge jyǵyp, odan keıin, kólikti artqa qaraı júrgizip, anamdy taǵy bir ret basyp ótip, alǵa qaraı jyljyǵan, sosyn jerde jatqan anamnyń ústine kólikti qoıǵan. Anama sol sátte jaqyn mańda júrgen jigit kómektesip, jasóspirimdi kólikten shyǵaryp, mashınanyń astynan anamdy alyp shyqqan. Men mundaı qylmys jasaǵan jasóspirimniń áreketin qalaı ataýǵa bolatynyn bilmeımin. Alaıda, osy jasóspirimniń jasaǵan qylmysy ákimshilik quqyq buzýshylyq retinde qaralmaýy tıis. Ol tıisti jazasyn alýy kerek», - deıdi Djýletta Djamıeva.





Jábirlenýshiniń qyzy kámelet jasyna tolmaǵan jasóspirimge kólik júrgizýge ruqsat bergenderdi de jaýapqa tarýdy surady.

«Bul - qasaqana jasalǵan is. Ol meniń anamdy kóre tura ádeıi basyp ótti. Sodan qaıta keri júrdi. Onymen qoımaı, qaıtadan alǵa basty. Osylaısha bir emes, úsh ret basyp ótti. Meniń anamdy búgin alǵash ret tergeýge shaqyrdy. Anama kúrdeli operatsııalar jasaý kerek. Men aıypty balanyń materıaldyq jáne moraldyq shyǵynymyzdy óteýin talap etemin. 15 jasar jasóspirim ekenin bilemin, biraq ol bárin bile tura istegendikten jazasyz qalmaýy tıis», - dedi ol.



Avtor Qarakóz Marat
Basty sózder: Oqıǵa, Mańǵystaý oblysy, Kólik,
Joǵary qaraı