Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda kópbalaly ana tigin tsehyn ashty

2020 jyldyń 20 qazan 2020 14:51

AQTAÝ. QazAqparat – Aqtaýdaǵy 29 shaǵynaýdanda ornalasqan «Januıa» áleýmettik qoldaý ortalyǵynda tigin tsehy ashyldy, dep habarlaıdy QazAqparat tilshisi qala ákiminiń baspasóz qyzmetine silteme jasap.

Tigin sheberhanasyn ashýdyń basty maqsaty – kópbalaly jáne az qamtylǵan analardy jumyspen qamtý. Solardyń biri - Dınara Koktaýbaıqyzy. Kópbalaly ana tigin tsehynyń ashylýyna muryndyq boldy. Osy istiń basy-qasynda júrip, óz maqsatyna jetti.

«Analar túrli kıimdi tigip ári pishýge daıar. Qabilet-qarymy jetedi. Bastysy jumys isteýge nıetimiz bar. Kópbalaly analarǵa Aqtaý qalasynyń ákimdigi tarapynan qoldaý kórsetilip, ǵımarat berdi. Kópbalaly analar jınalyp, tigin mashınalaryn aldyq. Kórpe, medıtsınalyq halattar jáne arnaıy kıimder tigemiz»,- dedi Dınara Koktaýbaıqyzy.





«Januıa» ortalyǵy jazda ashylǵan. Onda áleýmettik az qamtylǵan, kópbalaly analar jeke kásibin ashýǵa, arnaı̆y mamandardan qolónerdi, tiginshilik kásipti úı̆renip, qajetti keńes alýǵa múmkindigi bar. Sondaı-aq, ortalyqta psıhologtar, bank qyzmetkerleri, áleýmettik qyzmetkerler, zańgerler men medıatorlar kómek kórsetedi. Aldaǵy ýaqytta jeńildetilgen nesıe, qaı̆ta daıarlaý jáne jumysqa ornalasý boı̆ynsha tegin keńester berý, áleýmettik tólemder men járdemaqylar tóleý máseleleri boı̆ynsha túsindirý, aqparattandyrý jumystary júrgiziledi.









Joǵary qaraı