Aýa raıy
Astana -10 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda tolassyz jaýǵan jańbyr saldarynan kóshelerdi sý basty

2020 jyldyń 6 tamyz 2020 13:08

AQTAÝ. QazAqparat - Aqtaýda keshe kúni boıy jaýǵan jańbyr saldarynan ortalyq kósheler sýǵa tolyp, jańadan salynǵan kópqabatty úılerdiń shatyrynan sý ketti,-dep habarlaıdy QazAqparat.

Jelide Aqtaý turǵyndarynyń úılerinen ketken sýdy jumyla ózderi tazalap jatqany túsirilgen vıdeolar paıda boldy.

«Almatydaǵydaı jıi jańbyr jaýsa, Aqtaýdyń úıleri shydamaıtyny kórinip tur eken ǵoı» degen pikirmen taratylǵan vıdeoda jańbyr sýynyń shatyrdan bastap, birinshi qabattaǵy baspaldaqqa deıin aǵyp jatqany baıqalady. Vıdeodaǵy kórinistiń 19 shaǵynaýdandaǵy «Tynyshtyq» turǵyn-úı kesheninde bolǵany anyqtaldy.

Aqtaý qalalyq ákimdigi tarapynan atalǵan úıdiń buzylǵan jerleri jóndeletini aıtyldy. Budan bólek, ortalyq kóshelerdi sý basty. Aqtaý qalalyq ákimdigi baspasóz qyzmetiniń málimetinshe, kóshelerdiń sýyn sorýǵa 35 adam jumyldyrylǵan.

«Aǵymdaǵy jyldyń 5-shi tamyzynan 6 tamyzyna qaraǵan túni qala boı̆ynsha tolassyz jaýǵan jaýyn-shashyn saldarynan qaladaǵy joldarǵa sý jınaldy. Jaýyn sýyn sorǵytý maqsatynda kommýnaldyq kásiporyndardan barlyǵy 4 boı̆ler-assenızatory, 10 motopompasy jáne 2 sý sorǵysh kóligi (PNS) úzdiksiz kúni-túni qyzmet atqarýda. Qazirgi ýaqytta 31a, 31b, 32a, 32b shaǵynaýdandardyń jol qıylysy men 1 shaǵynaýdan oblystyq tis emhanasy mańy sýdan tazartylýda. Sonymen qatar, sý jınalǵan oryndardy tazalaýǵa «Qala joldary» JShS-nen 15 adam jáne Tótenshe jaǵdaı̆lar departamentinen 20 adam jumyldyryldy»,-dep habar taratty baspasóz qyzmeti.


Joǵary qaraı