Aýa raıy
Astana 0 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda janazaǵa 100-den asa adam jınalǵan: Marqumnyń týystaryna aıyppul salyndy

2020 jyldyń 3 tamyz 2020 23:18

AQTAÝ. QazAqparat - Aqtaýda marqum Bıbijamal Ablazımovanyń janazasyna jınalǵan adamdar úshin onyń týystaryna ákimshilik hattama toltyryldy, dep habarlaıdy QazAqparat tilshisi.

Oblystyq polıtsııa departamentiniń habarlaýynsha, atalǵan derek boıynsha marqumnyń týystarynan aıyppul salyndy.

«Týystaryna qatysty QR Ákimshilik kodeksiniń 425-baby boıynsha ákimshilik hattama toltyryldy. Materıal oblystyq sanıtarlyq-epıdemıologııalyq baqylaý departamentine joldandy», - dedi oblystyq polıtsııa departamentiniń basshysy J. Baqtybaev.

Týystarynyń aıtýynsha, jınalǵandardyń kópshiligi aǵaıyn, jaqyn adamdar.

Eske salsaq, Mańǵystaýda 3 tamyzdan bastap jańa karantın talaptary qaıta kúsheıtildi.

Tıisti qaýlyǵa sáıkes, 3 tamyzdan bastap oblysta barlyq uıymdarda jınalystar, keńester, konferentsııalar, forýmdar, semınarlar, sezder, kórmeler, trenıngter, oqytý kýrstaryn jáne adamdar kóp jınalatyn basqa da is-sharalardy, sondaı-aq otbasylyq, estelik is-sharalardy (banketter, úılený toılar, mereıtoılar, eske alý rásimderi t.b.), sonyń ishinde úıde jáne adamdar kóp jınalatyn basqa da is-sharalardy, sonyń ishinde ashyq aýada ótkizýge tyıym salyndy.



Avtor Láılim Álim
Basty sózder: Karantın, Mańǵystaý oblysy,
Joǵary qaraı