Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda jol apatynan 2 adam qaza taýyp, taǵy 5-ýi aýrýhanaǵa tústi

2021 jyldyń 14 qazan 2021 10:30

AQTAÝ. QazAqparat – Mańǵystaý oblysynda 3 kólik soqtyǵysyp, saldarynan 2 adam qaza tapty, dep habarlaıdy QazAqparat tilshisi.

Qaıǵyly oqıǵa 13 qazan kúni saǵat 16:51 shamasynda «LPG Trade»gaz quıý beketine qarama-qarsy jolda bolǵan.

Mańǵystaý oblystyq Polıtsııa departamentiniń málimetinshe, Aqtaý qalasynan Munaıly aýdanyna bara jatqan «Chevrolet Cobalt» avtokóliginiń júrgizýshisi qarsy baǵytqa shyǵyp, ınkassatorlyq «GAZel» kóligimen jáne «Daewoo Nexia» mashınasymen soqtyǵysqan.

«Jol apaty saldarynan «Chevrolet Cobalt« avtokóliginiń júrgizýshisi men jolaýshysy oqıǵa ornynda kóz jumdy. Sondaı-aq, zardap shekkenderdiń beseýi Mańǵystaý oblystyq aýrýhanasyna jetkizildi», - delingen baspasóz habarlamasynda.

Atalǵan fakti boıynsha tergeý amaldary júrgizilýde.



Joǵary qaraı