Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýda jylqylar aǵash japyraqtaryn jep, qorektenýde

2021 jyldyń 1 tamyz 2021 17:08

AQTAÝ. QazAqparat – Aqtaýda áleýmettik jeli paıdalanýshylary jylqylar túsirilgen vıdeo taratty.

Onda qalada toptasyp júrgen jylqylar jasyl jelekterdi búldirýde, dep habarlaıdy QazAqparat Lada.kz saıtyna silteme jasap.

Jaıylyp júrgen jylqylardy «Aqbota» saıabaǵynda Oksana esimdi jergilikti turǵyn túsirip alǵan. Onyń aıtýynsha, olar aǵash japaryqtarymen, butalarmen qorektenýde.

«Olar nege qalalyq saıabaqta jasyl jelekterdi kemirip júr? Olardyń barlyǵynyń tańbalary bar, múmkin bireýler kórip ıelerin anyqtar?», - dedi ol.

Sondaı-aq jylqylar búgin de 8 shaǵyn aýdanda, №14 úıdiń artynda kózge tústi.

Birneshe jylqyny 6 shaǵyn aýdandaǵy jergilikti turǵyn №21 úıdiń janynda kórip qalǵan.

Jergilikti turǵyndardyń biri 1A shaǵyn aýdannyń jaǵalaýyndaǵy janýarlardy vıdeoǵa túsirip aldy.



Basty sózder: Oqıǵa, Mańǵystaý oblysy,
Joǵary qaraı