Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýdaǵy basynan daý arylmaǵan saıabaq senimdi basqarýǵa beriledi

2021 jyldyń 14 qyrkúıek 2021 16:40

AQTAÝ. QazAqparat - Aqtaýdaǵy «Aqbota» saıabaǵy senimdi basqarýǵa beriledi, dep habarlaıdy QazAqparat tilshisi.

Bul týraly qalalyq ákimdikte ótken apparattyq jıynda qala ákimi Nurdáýlet Qılybaı málim etti.

Nurdáýlet Qılybaıdyń aıtýynsha, saıabaqtyń qazirgi jaǵdaıy qala turǵyndarynyń suranysyna saı emes. Máseleni sheshý úshin júıeli sharalar qoldaný qajet.

Qala ákimi qyrkúıek aıynyń sońyna deıin aǵymdaǵy jóndeý jumystaryn júrgizip, oryndyqtardy, shaǵyn sáýlet nysandaryn jáne t.b. qalpyna keltirý qajettigin atap ótti.

⁃ «Oblys basshylyǵynyń baqylaýynda turǵan máselege qala ákiminiń jetekshilik etetin orynbasary men qurylymdyq bólim basshylary tolyqtaı jaýapty. Sondaı-aq, bul máseleni sheshý úshin bizge nátıjeli sheshimder qabyldaý qajet. Saıabaqty senimdi basqarýǵa berý kerek. Kásipker servıstik qyzmetter arqyly tabys taýyp, osylaısha saıabaqtyń jaǵdaıyn ońtaılandyrý úshin jumystanady. Jergilikti birneshe kásipker munymen aınalysýǵa daıyn, biz baıqaý jarııalap, «Aqbota»saıabaǵyn damytý men kútip ustaýdyń úzdik josparyn usynatyn adamdy tańdaımyz. Qala turǵyndary úshin saıabaqqa kirý tegin bolady»,- dedi N. Qılybaı.


Foto:lada.kz
Joǵary qaraı