Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýdaǵy kásibı boks keshi: Eki qazaqstandyq jeńiske jetti

2021 jyldyń 7 qarasha 2021 10:05

⠀AQTAÝ. QazAqparat – Qazaqstandyq boksshy Meıirim Nursultanov (14-0, 8KO) Aqtaýda ótken kásipqoı boks keshinde óner kórsetti, dep habarlaıdy QazAqparat Qazaqstannyń kásibı boksy paraqshasyna silteme jasap.

Nursultanov belarýs boksshysy Dmıtrıı Atrohovpen (16-11, 7KO) jekpe-jek ótkizdi. Orta salmaqtaǵy aıqas 8 raýndtan turdy jáne ol tóreshilerdiń biraýyzdy sheshimimen qazaqstandyq sportshynyń jeńisimen aıaqtaldy.

Osylaısha, Meıirim Nursultanov mansabyndaǵy 15-inshi jeńisine qol jetkizdi jáne osy ýaqytta deıin birde-bir ret jeńilip kórmegen boksshy retinde qalýda. Sondaı-aq ol orta salmaqtaǵy WBC (USNBC) chempıony ekenin aıta keteıik.

Aqtaýdaǵy keshte sonymen qatar Bekzad Nurdáýletov profıdegi úshinshi jekpe-jegin ótkizdi. Onyń qarsylasy ózbek Farrýh Djýraev (6-4-1, 2KO) boldy. Jartylaı aýyr salmaqtaǵy kezdesý 8 raýndtan turdy. Tóreshiler jeńisti biraýyzdan Nurdáýletovke berdi.

Bekzad Nurdáýletov kásibı boksta úshinshi ret jeńiske jetti. Aıta keteıik, ol 2019 jyly kásipqoı bokstan Álem chempıonatynda altyn medal alǵan bolatyn. Profıge ótken jyldyń qazan aıynda aýysty.

Buǵan deıin habarlaǵanymyzdaı, Aqtaýdaǵy keshte ózge de birqatar qazaqstandyq boksshy alǵash ret kásibı rıngke shyqty.




Joǵary qaraı