Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtaýdyń alǵashqy «shamshyraǵy» qaıta jandy

2021 jyldyń 16 maýsym 2021 09:50

AQTAÝ. QazAqparat - El Táýelsizdiginiń 30 jyldyǵyna oraı, Aqtaý qalasy ákiminiń tapsyrmasyna sáıkes jáne 25425 áskerı bólimshesi basshylyǵynyń qoldaýymen qaladaǵy alǵashqy «Melovoı» maıaginiń shamy qaıta jandy, dep habarlaıdy QazAqparat tilshisi.

Bul maıak - álemdegi turǵyn úılerdiń ústinde ornalasqan sanaýly shamshyraqtyń biri.

Teńiz deńgeıinen 73 metr bıiktikte, al, turǵyn úıdiń 11 qabatynda ornalasqan munaranyń jalpy bıiktigi 10 metr.

1974 jyly ornalasqan maıak 2011 jyly isten shyǵyp, ornyna ýaqytsha zamanaýı jaryq beretin qurylǵy qosylǵan.

Búginde teńizdegi kemelerdiń júrý qaýipsizdigin qamtamasyz etetin Aqtaýdyń boıtumaryna aınalǵan nysan el azamattarynyń aralasýymen qaıta jarqyrady.




Shara áskerı orkestrdiń súıemeldeýimen saltanatty túrde ashylyp, El Táýelsizdiginiń 30 jyldyǵyna oraı 30 dana otshashý atyldy.

Shamdardy «AEJB» MKK mamandary iske qosyp, ári qaraı úzdiksiz turaqty janyp turýyn qadaǵalaý jáne tótenshe jaǵdaıdyń aldyn alý maqsatynda 24 saǵat áskerı qyzmetkerdiń baqylaýynda bolady.

Osylaısha, túnde teńizshilerge 50 jylǵa jýyq tarıhy bar shamshyraq áskerı teńizshilerdiń baqylaýymen úzilissiz baǵyt kórsetpek.








Avtor Qarakóz Marat
Basty sózder: Mańǵystaý oblysy, Qoǵam,
Joǵary qaraı