Aýa raıy
Astana 17 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Aqtóbe dárihanalaryna monıtorıng júrgizgen depýtattar keı dárilerdi taba almady

2020 jyldyń 13 shilde 2020 18:33

AQTÓBE. QazAqparat - Májilis depýtattary Sybaılas jemqorlyqqa qarsy is-qımyl agenttigi qyzmetkerlerimen birge Aqtóbedegi dárihanalardy tekserdi. Bul jóninde Májilistiń baspasóz qyzmetine silteme jasap QazAqparat habarlaıdy.

Aqtóbe oblysynyń turǵyndary úshin dári-dármek jetispeýshiligi áli de ózekti másele bolyp otyr. Májilis depýtattary Aqtóbe qalasynyń iri dárihanalyq jelilerine monıtorıng júrgizý maqsatynda osyndaı qorytyndy jasady.

Májilis depýtattary Gleb egelskıı men Quralaı Qaraken Sybaılas jemqorlyqqa qarsy kúres agenttigi jáne «Aqtóbe - adaldyq alańy» jobalyq keńsesiniń qyzmetkerlerimen birge Aqtóbe qalasyndaǵy «Mıllenıým», «ARS», «Aıbolıt», «Bıosfera» sııaqty iri dárihana jelilerine monıtorıng júrgizdi.

Búgingi tańda oblys turǵyndary koronavırýs indetimen jáne pnevmonııamen aýyrǵandar sanynyń ósýine alańdap otyr. Osyǵan oraı turǵyndar birneshe ret Parlament depýtattaryna jaǵdaıǵa nazar aýdaryp, dárihanalarǵa baqylaý jasaý qajettigi týraly aıtqan bolatyn.

«SK-Farmatsııa» biryńǵaı operatorynyń aımaqtardy dárilik zattarmen qamtamasyz etý týraly taratylǵan aqparatyna qaramastan, Aqtóbede medıtsınalyq preparattardyń jetispeýshiligi problemasy áli de ózekti bolyp otyr.

Monıtorıng nátıjesi kórsetkendeı, tekserilgen dárihanalarda «Tseftrıakson», «Tsef ІІІ», «Metrıd», «Lavomaks», «Paratsetamol», «Tsefazolın», «Askorbın qyshqyly», «Lıdokoın gıdrohlorıdi», «Ambro» jáne basqa búgingi tańda suranysqa ıe dárilik preparattardyń joqtyǵy baıqalady.

Jumys toby músheleriniń jáne dárihana ókilderiniń aıtýynsha, jaqyn arada olarǵa berilgen ótinimderge sáıkes qajetti dári-dármek túsedi dep kútilýde. Qazirgi ýaqytta dárihanalar shtattyq rejımde jumys isteýde.


Joǵary qaraı