Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

"Aqtóbe-Qandyaǵash" jolynyń qurylysyna 500-den astam adam jumyldyrylady

2021 jyldyń 21 naýryz 2021 18:03

AQTÓBE. QazAqparat – «Aqtóbe – Atyraý» tasjolynyń Aqtóbe-Qandyaǵash qalasy aralyǵyn jóndeý bıyl bastalady. Qazir qajetti materıaldar qurylys alańyna tasymaldanyp jatyr, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe oblysynyń ákimi Ońdasyn Orazalın «Aqtóbe-Qandyaǵash» tas jolyna kúrdeli jóndeý júrgizetin merdiger mekemelerdiń basshylarymen kezdesti. Jalpy uzyndyǵy 44,3 shaqyrym bolatyn Aqtóbe – Tamdy aralyǵyn «SP Sıne Mıdas Stroı &Todını» JShS júrgizedi. Joba quny - 39,7 mlrd teńge. Al Tamdy aýyly men Qandyaǵash qalasy arasyndaǵy tas joldy «Aqjol Kurylys-AzVırt-AssanaDorStroı» kompanııasy jóndeıdi. Mekeme 2023 jylǵa deıin 51,7 shaqyrym joldyń kúrdeli jóndeý jumystaryn aıaqtaýy tıis. Joba quny 22,7 mlrd teńge.

Qazir merdigerler qurylys materıaldary men temirbeton buıymdaryn daıyndap jatyr. Aqtóbelik «Stroıdetal», «JBI-25» kásiporyndarynyń 200 myń tonnadan astam ınertti materıaly, sonymen qatar, jergilikti karerlerdiń qıyrshaqtasy ákelindi.

Muǵaljar, Alǵa aýdandarynyń ákimdikteri, «Qazavtojol» jáne merdiger mekemeler arasynda jergilikti turǵyndardy jol qurylysy tartý týraly úsh jaqty memorandýmǵa qol qoıyldy. Jalpy alǵanda eki jobany júzege asyrýǵa 560 adam tartylyp, 300 tehnıka jumyldyrylady.

Joǵary qaraı