Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynda 100-ge jýyq bala koronavırýs juqtyrdy

2021 jyldyń 17 sáýir 2021 05:17

AQTÓBE. QazAqparat – Aqtóbe oblysynda búginge deıin 96 balaǵa koronavırýs ınfektsııasy dıagnozy qoıylǵan. Onyń 9-y vırýstyń sımptomdy túrine shaldyqqan, dep habarlaıdy QazAqparat tilshisi.

Aqtóbe oblysy boıynsha ótken táýlikte taǵy 120 adamnan koronavırýs ınfektsııasy anyqtaldy. Onyń teń jartysynan astamy derttiń sımptomdy túrine shaldyqqan. Búginge deıin óńirde 7 myńnan astam jaǵdaı tirkelse, onyń 75 paıyzdan astamy jazyldy. Áli de 4400 adam úı karantıninde otyr. Olar eki apta boıy dárigerler baqylaýynda bolýy tıis.

«Barlyǵy 96 baladan koronavırýs ınfektsııasy anyqtalsa, onyń 9-y aýrýhanada jatyr. Báriniń jaǵdaıy turaqty, ómirine qaýip tónip turǵan joq. Jótelip, basy aýyryp, dene qyzýy kóterilip túsedi kóbi. Sonymen birge 8 júkti áıel pnevmonııaǵa shaldyǵyp, aýrýhanaǵa jatqyzyldy. Taǵy 22 júkti kelinshek – úı karantıninde. Biz kún saıyn monıtorıng júrgizemiz. Aýrýhananyń jansaqtaý bóliminde jatqandardyń 17 paıyzynyń jasy 50-ge tolmaǵan. Al 50-64 jas aralyǵynda 14 adam jatyr. 24 naýqastyń jasy 65-ten asqan. Jansaqtaý bólimine kóbine qant dıabeti, júrek-qan tamyrlary, búırek, baýyr jetispeýshiligi, sozylmaly aýrýy bar adamdar túsedi», - dedi oblystyq Densaýlyq saqtaý basqarmasynyń basshysy Rústem Isaev.

Onyń aıtýynsha, sońǵy kezderi jastar arasynda koronavırýs ınfektsııasyn juqtyrý deregi kóbeıdi.

«Kóbi úıde em júrgizip, aýrýdy asqyndyryp alady. Bul – durys emes. Tipti estigen, surap bilgen dárini iship, júre beredi. «Qyzyl» aımaqta bolǵan soń, shekteý joǵary. Bala-shaǵany asyraý, jumys isteý týraly sóz jıi qozǵalady brıfıngte. Biraq bárine shydam kerek. Tyǵyryqtan shyǵý úshin vaktsına alǵan durys. Jansaqtaý bóliminde qazir 47 adam jatyr. Olardyń otbasy jaǵdaıdy jaqsy biledi, vırýstyń qaýipti ekenin jan-tánimen túsinedi. Al dalada adamdardyń maska taqpaı júrgenin bilemiz. Maska taǵý, qol jýý, araqashyqtyqty saqtaýǵa bilimge emes, jaýapkershilikke, sanaǵa baılanysty. Kúnde bir suraq qoıylady. «Vaktsına alý kerek pe?» dep suraıdy. Jaýaby aıtyldy. Vaktsına indetten qorǵaýǵa, aýrýdy jeńil ótkerýge kómektesedi. Birinshi synyptyń oqýshysyna aıtsaq, olar buljytpaı oryndaıdy. Al sonda biz avtobýsqa «maska taq» dep aıtyp otyratyn bir adamdy otyrǵyzýymyz kerek pe? Adamdar da jan-jaǵyndaǵylarǵa eskertýi tıis», - dedi Rústem Isaev.


Joǵary qaraı