Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbe oblysynda balalar men júkti áıelder arasynda koronavırýsqa shaldyǵý artty

2022 jyldyń 17 qańtar 2022 21:25

AQTÓBE. QazAqparat – Aqtóbede bir táýlikte 285 adamnan koronavırýs ınfektsııasy anyqtaldy. Oblystyq Densaýlyq saqtaý basqarmasy vırýstyń taralý jyldamdyǵyna qarap, óńirde vırýstyń «omıkron» shtamy baryn boljap otyr, dep habarlaıdy QazAqparat tilshisi.

Aqtóbe oblysy boıynsha bir táýlikte taǵy 285 adamnan koronavırýs ınfektsııasy anyqtaldy. Qazirgi kezde 7 naýqas jansaqtaý bóliminde jatyr. Onyń ekeýi ókpeni jasandy jeldetý apparatyna qosylǵan.

Oblystyq Densaýlyq saqtaý basqarmasynyń habarlaýynsha, balalar men júkti áıelder arasynda vırýs juqtyrǵandar kóbeıgen. Máselen, qazirgi kezde aıaǵy aýyr 63 áıel ınfektsııalyq statsıonarda jatyr.

«Qazir oblysta vırýs juqtyrǵandar kúrt artty. Jeltoqsan aıynyń sońynda birer bala syrqattansa, qazir 16-sy ınfektsııalyq statsıonarda jatyr. Sonymen birge buǵan deıin 2-3 júkti áıel em qabyldasa, qazir 63-i aýrýhanada. «Omıkron» shtamy zerthanalyq túrde rastalǵan joq, degenmen taralý jyldamdyǵyna qarap osy shtamnyń Aqtóbege de jetkenin boljap otyrmyz», - dedi Aqtóbe oblystyq Densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, qazir 128 naýqas ınfektsııalyq statsıonarlarda em qabyldap jatyr. Ujymdyq ımmýnıtetti qalyptastyrý úshin 365 myńnan astam adam vaktsınanyń eki komponentin de qabyldady. Al 38 myńnan astam adam revaktsınatsııadan ótti. Sonymen birge 8 myńnan astamy Pfizer preparatyn qabyldady. Aqtóbe oblystyq Densaýlyq saqtaý basqarmasy basshysynyń orynbasary Bekbolat Іzbasarovtyń aıtýynsha, onyń 5 myńnan astamy – jasóspirim.


Joǵary qaraı