Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynda bıyl 1300-den astam adam revaktsınatsııadan ótedi

2021 jyldyń 6 jeltoqsan 2021 21:01

AQTÓBE. QazAqparat – Aqtóbe oblysy boıynsha 745 adam revaktsınatsııadan ótti. Jyl sońyna deıin 1300-den astam adam vaktsınanyń úshinshi dozasyn qabyldaıdy, dep habarlaıdy QazAqparat tilshisi.

Aqtóbe oblysy boıynsha ótken táýlikte 6 adamnan koronavırýs ınfektsııasy anyqtaldy. Qazirgi kezde 100-ge jýyq adam ınfektsııalyq statsıonarlarda em qabyldap jatyr. Onyń 16-y jansaqtaý bóliminde. Úsh naýqas ókpeni jasandy jeldetý apparatyna qosyldy.

«Koronavırýs ınfektsııasyn juqtyrǵan 13 bala dárigerler baqylaýyna alynǵanymen, aýrýhanaǵa jatqyzylǵandary joq. Sonymen birge úsh júkti áıeldiń bireýi statsıonarda jatyr. Infektsııalyq kereýet júktemesi - 31, jansaqtaý bólimindegi tósek-oryn júktemesi 32% qurady», - dedi oblystyq Densaýlyq saqtaý basqarmasy basshysynyń orynbasary Bekbolat Іzbasarov.

Aıta keteıik, jyl basynan beri óńirge 918 myńnan astam vaktsına jetkizildi. Qazirgi kezde 331 myńnan astam adam vaktsınanyń eki komponentin de qabyldady. Bul ımmýndaýǵa jatatyn adamdardyń 62% qurap otyr.

«Aqtóbe oblysy boıynsha 745 adam revaktsınatsııalaýdan ótti. Kóbi qazaqstandyq vaktsınany qabyldap jatyr. Jalpy bıyl 1300-den astam adam vaktsınanyń úshinshi dozasyn qabyldaıdy dep josparlap otyrmyz. Al Pfizer vaktsınasyn 1485 adam saldyrdy. Onyń 880-i jasóspirim. Eshqandaı da keri áseri bolmady», - dedi oblystyq Densaýlyq saqtaý basqarmasy basshysynyń orynbasary Bekbolat Іzbasarov.


Joǵary qaraı