Aqtóbe oblysynda elik atqan brakonerler ustaldy
AQTÓBE. QazAqparat – 27 qarasha kúni QR Ulttyq qaýipsizdik komıteti Shekara qyzmeti Aqtóbe oblysy boıynsha departamentiniń jasaǵy elikti zańsyz atýmen aınalysqan bir top adamdy ustady, dep habarlaıdy QazAqparat.
Anyqtalǵandaı, 24 qarashada QR azamaty T. óziniń dostary – Aqtóbe qalasynyń turǵyndaryn ań aýlaýǵa shaqyrǵan. Atalǵan adamdar toby 3 avtokólikpen 6 dana elikti atqan.
«Jambyl» shekara bólimshesiniń ýchaskesinde ustalǵan kólikti tekserý kezinde elik ushasy men 8 qarý tabylǵan.
«Ustalǵandar is júrgizý sharalaryn qabyldaý úshin Áıteke bı aýdandyq polıtsııa bólimshesine tapsyryldy. Qazaqstanda 18-20 myń elik bar, olardy aýlaý tek lıtsenzııa boıynsha júrgiziledi. Analyqtar ádette 9 aıda óte ádemi, terisinde daqtary bar eki tóldi ómirge ákeledi. Olardyń ómir súrý uzaqtyǵy 12 jylǵa deıin ǵana», - delingen QR UQK aqparatynda.
