Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynda oqýshylarǵa arnalǵan jazǵy mektepter ashylady

2021 jyldyń 7 mamyr 2021 21:52

AQTÓBE. QazAqparat - Aqtóbelik oqýshylar jazda mektepke baryp, sabaq oqı alady, dep habarlaıdy QazAqparat tilshisi.

Aqtóbe oblysy boıynsha oqýshylardyń aralas formatta bilim alýyna ruqsat berildi . Endi jazǵy mektepter jumysyn bastaıdy.

Shekteý sharalary kezinde oqýshylar onlaın bilim alyp, keıbir taqyrypty jetkilikti meńgermegen bolýy múmkin. Olqylyqtyń ornyn toltyrý, pánder boıynsha ótken materıaldy sapaly meńgertý maqsatynda óńirdegi barlyq bilim uıymynda 26 mamyr men 19 maýsym aralyǵynda jazǵy mektepterdiń ashylady.

Jazǵy mektepke oqýshylar ata-analardyń ótinishi negizinde qabyldanady.

Oqý tegin jáne eshqandaı qosymsha shyǵyndy qajet etpeıdi.

Mektep formasyn saqtaý talap etilmeıdi. Jazǵy mektepke tartylǵan muǵalimderdiń kezekti eńbek demalysy 19 maýsymnan keıin beriledi.

Jalaqylary osy oqý jylynda bekitilgen oqý júktemesi negizinde tólenedi.

«Mektepterde sanıtarııalyq-epıdemıologııalyq talaptar (kire beriste qyzý ólsheýnedi, maska taǵý mindetti, qoldy jıi jýý, ǵımaratty, oqý bólmelerin ylǵaldy jınaý, jeldetý, kvartstaý) tolyq saqtalady, kópshilik sharalar uıymdastyrylmaıdy»,- dep habarlady oblystyq bilim basqarmasynyń basshysy Joldas Batyrhan.


Joǵary qaraı