Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynyń qoımasynan qajetti dári-dármekter tabylmady

2021 jyldyń 21 qańtar 2021 03:19

AQTÓBE. QazAqparat - «Aqtóbe-adaldyq alańy» jobalyq keńsesi men oblystyq Densaýlyq saqtaý basqarmasy jáne qoǵamdyq uıym ókilderi dári-dármek qoryna arnaıy monıtorıng júrgizdi. Qoımada áli de tizimdegi 8 dári-dármek joq bolyp shyqty, dep habarlaıdy QazAqparat tilshisi.


COVID-19 dertine qarsy 44 túrli dári-dármektiń 8-i Aqtóbe oblysyna osy kúnge deıin jetkizilmegen.
«Qazirgi kezde flýkonazol, fondaparınýks, epınefrın, enoksaparın, neostıgmın, hloropıramın, deksametazon, metılprednızolon dárisi «SQ-Farmatsııa« AQ-nyń Aqtóbedegi qoımasynda joq. «Tapsyrys berilgen, jolda» dep aıtady. Negizi barlyǵy qoımada saqtalyp turýy kerek. Bizge 2020 jyldyń sońynda bári tolyq jetkiziletinin aıtqan bolatyn. Biraq is júzinde oryndalmady«, - dedi «Aqtóbe-adaldyq alańy« jobalyq keńsesiniń jetekshisi Janbolat Turtaev.





«SQ-Farmatsııa« AQ-nyń Aqtóbedegi qoımasyna qajetti dári-dármek úshin 1 mıllıard teńgeden astam qarjy bólingen.
«Bir bóligine tapsyrys berilip, qańtar aıynyń sońyna deıin emdeý oryndaryna jetkiziledi. Fondaparınýks jáne enoksaparın dárisi ózge preparatqa aýystyryldy. Ótken jyly tek epınefrın satyp alynbady. Oǵan emdeý mekemeleriniń ózderi tapsyrys beredi. Sonymen birge suranys artqan jaǵdaı úshin dárihanalarǵa qajetti 190 mıllıon teńgeniń dárisi qoımada saqtaýly tur«, - dedi «SQ-Farmatsııa« AQ-nyń Aqtóbe oblystyq fılıal jetekshisi Nurlan Jubanyshev.





Joǵary qaraı