Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynyń Mártók aýdanyna jańa ákim taǵaıyndaldy

2021 jyldyń 2 naýryz 2021 19:25

AQTÓBE. QazAqparat - Aqtóbede Mártók aýdanynyń ákimi bolyp Almas Salyqbaev taǵaıyndaldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Almas Salyqbaev - T.Rysqulov atyndaǵy qazaq ekonomıkalyq ýnıversıteti men Qazaq-orys halyqaralyq ýnıversıtetiniń túlegi.

Ol eńbek jolyn 2007 jyly «BankTsentrKredıt» AQ Almaty qalalyq fılıalynyń nesıe ofıtseri bolyp bastaǵan.

Keıin «Qazaqstan halyq banki» AQ-nyń Muǵaljar aýdandyq bólimshesinde menedjer, Muǵaljar aýdandyq ekonomıka jáne bıýdjetti josparlaý bóliminiń bas mamany jáne sektor meńgerýshisi, ​ Muǵaljar aýdandyq statıstıka basqarmasynyń jetekshi mamany, Muǵaljar aýdandyq ekonomıka jáne bıýdjetti josparlaý, kásipkerlik bólimi basshysynyń orynbasary, aýdandyq kásipkerlik bóliminiń basshysy boldy.

Sonymen qatar Aqtóbe oblysy ákimi apparatynda uıymdastyrý-ınspektorlyq bóliminiń bas ınspektory, Aqtóbe oblysynyń syrtqy baılanystar jáne týrızm basqarmasy basshysynyń orynbasary laýazymdaryn atqardy.

Jańa qyzmetke taǵaıyndalǵa deıin Mártók aýdany ákiminiń orynbasary boldy.

Aıta keteıik, buǵan deıin Mártók aýdanynyń ákimi bolǵan Ermek Kenjahanuly búgin oblys ákiminiń orynbasary qyzmetine taǵaıyndalǵan bolatyn.


Joǵary qaraı