Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe oblysynyń turǵyndary 74 saılaý ýchaskesinde daýys berip jatyr

2021 jyldyń 25 shilde 2021 10:37

AQTÓBE. QazAqparat – Óńirde barlyq saılaý ýchaskesi jergilikti ýaqytpen saǵat 07:15-te ashyldy. Barlyǵy 196 polıtsııa qyzmetkerine bıýlletenderdi kúzetý mindettelgen, dep habarlaıdy QazAqparat tilshisi.

«Saılaý ýchaskeleri saǵat 07:15-te ashyldy. Qazir oblys boıynsha 34 aýyl ákimin saılaý úshin 74 saılaý ýchaskesi jumys istep tur. Turǵyndardyń kelýi týraly alǵashqy aqparatty jergilikti ýaqytpen saǵat 9:00-den bastap árbir eki saǵat saıyn taratamyz», - oblystyq saılaý komıssııasynyń tóraıymy Gúlnár Kúnbaeva.




Aıtyp óteıik, aýmaqtyq saılaý komıssııalary maska taǵý, antısektık qoldaný, araqashyqtyqty saqtaý týraly biledi. Daýys berýshilerge de maska taǵý mindetteledi.

«Koronavırýs ınfektsııasynyń órshýine baılanysty sanıtarlyq talap qatań saqtalýy kerek. Saılaý komıssııalarynyń jumysy, daýys berý erejesi, úıde daýys berý sekildi baǵyttar boıynsha ereje bar. Bári saqtalýy kerek», - dedi oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.

Saılaý qaýipsizdigin qamtamasyz etý, qoǵamdyq tártipti saqtaý úshin polıtsııa qyzmetkerleri de jumys istep jatyr. Barlyǵy 196 polıtsııa qyzmetkeri saılaý bıýlletenin kúzetip otyr.

«Sonymen birge 74 polıtsııa qyzmetkeri 12 aýdanǵa saılaý bıýlletenderin jetkizý kezinde jolda ilesip júrdi. Sońyna deıin sonda bolady. Quqyqbuzýshylyq bolsa aýmaqtyq saılaý komıssııasy tóraǵasynyń usynysymen ákimshilik, qylmystyq jaýapqa tartylady», - dedi oblystyq jergilikti polıtsııa qyzmeti basqarmasynyń bastyǵy Ardana Saımaǵambetov.








Joǵary qaraı