Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

«Aqtóbe – Orsk» trassasynda 1 adam qaza bolyp, 3-eýi zardap shekti

2020 jyldyń 27 qarasha 2020 22:40

AQTÓBE. QazAqparat – «Aqtóbe – Orsk» tasjolynyń Qosestek aýyly mańynda eki kólik soqtyǵysyp, bir adam kóz jumdy, dep habarlaıdy QazAqparat tilshisi.

Jol apaty «Aqtóbe - Orsk» respýblıkalyq mańyzy bar tasjolda boldy. «Toıota-Prevııa» avtokóligi men «Lada-Largýs» soqtyǵysqan.

Zardap shekken júrgizýshilerdiń biri, sondaı-aq 42 jáne 57 jastaǵy eki jolaýshy áıel Qarǵaly aýdanynyń ortalyq aýrýhanasyna jatqyzyldy. Al 54 jastaǵy jolaýshy sol jerde kóz jumdy. Atalǵan fakti boıynsha tergeý bastaldy.

«Borandy kúni saq bolǵan jón. Qarsy baǵytqa shyǵyp, aldyńǵy kólikti basyp ozý da asa qaýipti. Sonymen birge araqashyqtyqty saqtaýǵa, tótenshe jaǵdaılar qyzmetiniń eskertýlerine qulaq asýǵa keńes beremiz», - dedi oblystyq PD baspasóz qyzmetiniń jetekshisi Erbolat Sarqulov.


Joǵary qaraı