Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe polıtsııasy mektep-gımnazııadan jarylǵysh zat izdedi

2021 jyldyń 6 qyrkúıek 2021 15:59

AQTÓBE. QazAqparat – Aqtóbe oblystyq PD qujatpen qamtamasyz etý bólimine mektep-gımnazııa ǵımaratynda «bomba bar» degen habarlama tústi. Polıtsııa aqparattyń ras-ótirigin tekserdi, dep habarlaıdy QazAqparat tilshisi.

Aqtóbe oblystyq polıtsııa departamentiniń qujatpen qamtamasyz etý bólimine «qaladaǵy Týrgenev kóshesinde ornalasqan mektep-gımnazııaǵa jarylǵysh zat qoıyldy» degen habarlama tústi.

«Barlyq shuǵyl qyzmet pen saperler toby dereý oqıǵa ornyna shyǵyp, ǵımaratta jarylǵysh qurylǵylardyń bar-joǵyn tekserdi. Jarylǵysh qurylǵylar tabylǵan joq. Polıtsııa departamenti anonımdi habarlamanyń avtoryn anyqtaýǵa jáne ustaýǵa baǵyttalǵan jedel is-sharalar júrgizip jatyr. Atalǵan derek boıynsha Qylmystyq kodekstiń «Terrorızm aktisi týraly kórineý jalǵan habarlaý» babymen sotqa deıingi tergeý bastaldy. Osy baptyń sanktsııasy bes jylǵa deıingi merzimge bas bostandyǵynan aıyrý túrindegi jazany kózdeıdi», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, buǵan deıin 1 jáne 2 qyrkúıek kúnderi 6 mektepke «bomba qoıyldy» degen aqparat tekserildi. Ol kezde de jarylǵysh zat tabylmady. Kúdiktiler áli ustalmady.


Foto: polisia.kz
Joǵary qaraı