Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbe turǵyny bank ókilimin dep habarlasqan adamǵa senip, 1,2 mln teńgesinen aıyryldy

2021 jyldyń 20 qańtar 2021 12:59

AQTÓBE.QazAqparat - Aqtóbe turǵyny ózin banktiń qaýipsizdik qyzmetiniń qyzmetkeri retinde tanystyrǵan alaıaqqa senip, 1,2 mıllıon teńgesinen aıyryldy, dep habarlaıdy QazAqparat Atóbe oblystyq Polıtsııa departamentiniń baspasóz qyzmetine silteme jasap.

Baspasóz qyzmetiniń málimetterine qaraǵanda, oblys aýmaǵynda alaıaqtar kóbeıdi. Olar ózderin bank qyzmetkerleri retinde tanystyryp, aqshany urlaýǵa tyrysady. Kóp jaǵdaıda júıe qarapaıym – olar sms kodtaryn jáne shottar men kartalar týraly basqa qupııa aqparatty alýǵa tyrysady.

Alaıaqtyqtyń osyndaı túrine 53 jastaǵy qala turǵyny tap boldy. Belgisiz mobıldi nómirden banktiń «qaýipsizdik qyzmetiniń» qyzmetkeri retinde beıtanys adam qońyraý shalǵan. Qaskúnem, alaıaqtar onyń shotyn buzýǵa tyrysyp jatyr dep sendirip, olar muny isteı almaýy úshin oǵan SMS-habarlama arqyly kelgen kodty aıtýdy usyndy. Kodty alǵan alaıaq 2 nesıe rásimdegen. Jalpy shyǵyn 1 mıllıon 250 myń teńgeni qurady. Atalǵan fakti boıynsha QR QK-niń 190-baby «Alaıaqtyq» boıynsha sotqa deıingi tergeý amaldary júrgizilýde.

«Osyndaı jaısyz jaǵdaılardyń aldyn alý úshin, eshkimge, tipti bank qyzmetkerine de jeke shottar men kartalarǵa qatysty SMS-kod jáne basqa derbes aqparatty aıtýǵa bolmaıdy. Azdap bolsa da kúmán týyndaǵan jaǵdaıda, eshqandaı áreket jasamaý kerek jáne operatsııany rastaýdyń qajeti joq»-dedi aıtty PD bastyǵy Atyǵaı Arystanov.

«Esińizde bolsyn, bankter men tólem júıeleri eshqashan hattardy jibermeıdi nemese klıentterdiń telefondaryna habarlasyp, shot derekterin berýin suramaıdy. Urlyqtyń aldyn alý úshin barlyq qajetti aqparat bankterde bar»,-delingen polıtsııa aqparatynda.




Basty sózder: Aqtóbe oblysy, Qylmyspen kúres,
Joǵary qaraı