Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede 1,5 trln teńge ınvestıtsııa tartylmaq

2022 jyldyń 21 qańtar 2022 21:36

AQTÓBE. QazAqparat – Aqtóbede 2022-2025 jyldary aralyǵynda 1,5 trln teńge ınvestıtsııa tartý josparlandy. Bul týraly óńirlik kommýnıkatsııalar qyzmetinde Aqtóbe oblysynyń ındýstrııalyq-ınnovatsııalyq damý basqarmasynyń basshysy Qýandyq Qasymov aıtty, dep habarlaıdy QazAqparat tilshisi.

Memleket basshysynyń tapsyrmasyna sáıkes óńirde ınvestıtsııa tartý, ınvestıtsııalyq jobalardy iske asyrý baǵytynda jospar bekitildi. 2022 jyldan bastap 2025 jylǵa deıin 10 myńǵa jýyq jumys ornyn qurý, ol úshin 1,5 trln teńgeden astam somany quraıtyn ınvestıtsııalyq jobalardy iske asyrý pýly quryldy.

«Byltyr 80 mlrd teńgege 23 joba iske asyryldy. Onda 1,2 myń jumys orny quryldy. Atalǵan jobalardyń beseýi Óńirlik kásipkerlikti qoldaý kartasy sheńberinde iske asyryldy. Onyń ishinde qysh taqtaısha zaýyty, gazdy keshendi daıyndaý qondyrǵysyn qaıta jańartý jobasy, «Badamsha-2» jel elektr stantsııasy bar. Bıyl 48 mlrd teńgeden astam somaǵa kem degende 20 jobany júzege asyrý josparlandy. Olardyń qatarynda «Qojasaı» ken ornynda qýaty 40 myń m3/saǵ gazdy keshendi daıyndaý qondyrǵysyn qaıta jańartý jobasynyń 2-kezeńi, temir kenin qurǵaq magnıtti bólý fabrıkasy, mobıldi burǵylaý qondyrǵylaryn óndirý jobasy bar», - dedi Aqtóbe oblysynyń ındýstrııalyq-ınnovatsııalyq damý basqarmasynyń basshysy Qýandyq Qasymov.


Joǵary qaraı