Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 15 jasar qyzben jynystyq qatynasta bolǵan bozbalaǵa sot úkimi shyqty

2020 jyldyń 24 qarasha 2020 14:00

AQTÓBE. QazAqparat – Aqtóbelik jas jigit Qylmystyq kodekstiń «On alty jasqa tolmaǵan adammen birneshe ret jynystyq qatynas jasaý» baby boıynsha aıyptalyp, bas bostandyǵynan aıyryldy, dep habarlaıdy QazAqparat tilshisi.

Aqtóbe oblysynyń qylmystyq ister jónindegi mamandandyrylǵan aýdanaralyq sotynda kámeletke tolmaǵan T-ǵa qatysty qylmystyq is qaraldy. Іs materıalyna súıensek, sottalýshy T. 15 jasar A-men birneshe ret jynystyq qatynasqa túsken.

Sottalýshy T -nyń kinási óziniń jáne jábirlenýshi A-nyń sotqa deıin tergep-tekserý kezindegi jaýabymen, jábirlenýshiniń zańdy ókiliniń, kýálar men sarapshylardyń jaýabymen, saraptama qorytyndysymen tolyq dáleldendi.

Prokýror sottan T-ny 5 jylǵa bas bostandyǵynan aıyrý jazasyn taǵaıyndaýdy surady.

«Sottalýshy T-nyń jasalǵan isi asa aýyr qylmys sanatyna jatady. QR QK 122-babynyń 3-bóliginiń 1-tarmaǵynda 10 jyldan 15 jylǵa deıingi merzimge bas bostandyǵynan aıyrý jazasy qarastyrylǵan. Basqa balama jaza osy baptyń sanktsııasynda qarastyrylmaǵan. Jaza taǵaıyndaǵanda sot Qylmystyq kodekste kórsetilgen jazanyń túri men mólsherin basshylyqqa aldy. QR QK 81-babynyń 7-bóligi boıynsha kámeletke tolmaǵandarǵa bas bostandyǵynan aıyrý jazasy 10 jyldan aspaıtyn merzimge taǵaıyndalýy múmkin. Sottalýshynyń kámeletke tolmaǵany eskerildi. Jazasyn aýyrlatatyn mán-jaı anyqtalǵan joq. Sonymen birge sottalýshy T jábirlenýshi sııaqty kámelet jasyna tolmaǵan. Turǵylyqty jerinde jáne oqý ornynda jaqsy minezdeme berildi. Sot jábirlenýshi men onyń zańdy ókiliniń oǵan qoıar talaby bolmaǵanyn ári ony bas bostandyǵynan aıyrmaýdy suraǵany eskerdi», - dep túsindirdi sýdıa Qııatbek Myrzabekov.

Aıta keteıik, kámelet jasqa tolmaǵan T-ǵa 3 jylǵa bas bostandyǵynan aıyrý jazasy taǵaıyndaldy. Osy baptyń sanktsııasyn eskersek, sot bas bostandyǵynan aıyrmaıtyn jaza taǵaıyndaýǵa quqyly emes.

Sot úkimi zańdy kúshine engen joq.


Avtor Altynaı Saǵyndyqova
Basty sózder: Sot, Aqtóbe oblysy, Zań, Oqıǵa,
Joǵary qaraı