Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aqtóbede 2 kólik soqtyǵysyp, jolaýshy kóz jumdy

2022 jyldyń 18 qańtar 2022 18:26

AQTÓBE. QazAqparat – Aqtóbede eki jeńil kólik soqtyǵysyp, bir jolaýshy kóz jumdy. Taǵy bir jolaýshy aýrýhanaǵa jetkizildi, dep habarlaıdy QazAqparat tilshisi.

«Lada Vesta» markaly avtokóliginiń 22 jastaǵy júrgizýshisi Qarabutaq aýylynan Hromtaý qalasyna qaraı shyǵyp, joldyń qarsy baǵytyna ótip ketken. Sol kezde Aqtóbe qalasynan Hromtaýǵa bet alǵan «Lada Priora» avtokóligimen soqtyǵysqan. Jol-kólik oqıǵasy saldarynan «Lada Priora» avtokóliginiń bir jolaýshysy alǵan jaraqatynan qaıtys boldy. Ekinshi jolaýshy Hromtaý qalasynyń aýrýhanasyndaǵy hırýrgııa bólimshesinde jatyr.

«Osy oqıǵa boıynsha Qylmystyq kodekstiń «Abaısyzda adam ólimine ákep soqqan JQE buzý» babymen is qozǵalyp, sotqa deıingi tergeý bastaldy. Jalpy byltyr 587 jol-kólik oqıǵasy boldy. Onda 95 adam qaza taýyp, 780 adam túrli jaraqat aldy. Statıstıka kórsetip otyrǵandaı, ótken jyly balalardyń qatysýymen 99 jol-kólik oqıǵasy tirkeldi. Onda bes bala qaza tapty jáne 118 bala jaraqat aldy. Al jaıaý júrginshilerdiń qatysýymen 200-den astam JKO tirkeldi. Bıyl 17 jol-kólik oqıǵasy tirkelsa, onda 2 adam qaza taýyp, 27 adam jaraqat aldy», - dedi oblystyq PD baspasóz qyzmetiniń jetekshisi Erbolat Sarqulov.











Joǵary qaraı