Aýa raıy
Astana -17 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 35 jastaǵy áıel segizinshi qabattan sekirmek boldy

2020 jyldyń 24 qazan 2020 01:25

AQTÓBE. QazAqparat - Aqtóbede 4 balanyń anasy óz-ózine qol jumsamaq boldy, dep habarlaıdy QazAqparat tilshisi.

Oqıǵa 22 qazan kúni saǵat 21:28-de tirkeldi.

Aqtóbe qalasyndaǵy kópqabatty úılerdiń birinde 35 jastaǵy áıel ózine qol jumsamaq bolyp, BAQ ókilderin kezdesýge shaqyrdy.

«8-qabattyń balkonynan 1985 jylǵy áıel adam sekirgeli jatqany týraly habarlama kelip tústi. Osyǵan baılanysty qutqarý qyzmeti jedel túrde jiberildi. Kelissóz barysynda qutqarýshylar men polıtseıler jedel qımyldap, azamatsha qutqaryldy»,- dep habarlady oblystyq TJD baspasóz qyzmeti.

Qutqarýshylar áıeldiń páterine kirip, ony ishke kirgizip alǵan. Al bir toby syrtta baspaldaqpen kóterildi.

TJ qyzmetkerleri áıelmen psıhologııalyq áńgime júrgizgen. Azamatsha medıtsınalyq ortalyqqa jatqyzyldy. Bárine turmystyq janjal sebep bolǵan.

«Páterde balalary boldy», - deıdi baspasóz qyzmeti.


Avtor Altynaı Saǵyndyqova
Basty sózder: Aqtóbe oblysy, Oqıǵa,
Joǵary qaraı