Aýa raıy
Astana 26 °S
Almaty 30 °S
valıýta baǵamy
USD 412.55
EUR 468.66
RUB 5.79
CNY 58.80

Aqtóbede 5 shilde saǵat 00:00-den bastap aýdanaralyq avtobýstar toqtaıdy

2020 jyldyń 4 shilde 2020 15:46

AQTÓBE. QazAqparat - Aqtóbede karantın erejesine saı azyq-túlik dúkenderi saǵat 10:00-den 21:00-ge deıin jumys isteıdi. Qoǵamdyq kólikter 6:00-den 21:00-ge deıin júredi, dep habarlaıdy QazAqparat tilshisi.

Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Nursulý Berkimbaeva jańa qaýly shyǵardy. Qaýlyda oblys boıynsha karantın rejımin engizý erejesi tolyq kórsetilgen. Endi saıabaqtarda úsh adamnan artyq toptasyp júrýge bolmaıdy. Al 65 jastan asqan adamdar úshin dalaǵa shyǵý qaýipti.
5 shilde kúni saǵat 00:00-den bastap aýdanaralyq avtobýstar toqtaıdy. Qala ishindegi qoǵamdyq kólik syıymdylyǵynyń teń jartysymen ǵana jolaýshy tasymaldaı alady. Óńirde balabaqshalardyń jumysy tolyq toqtady. Tipti kezekshi toptar da bolmaıdy.
«Mal azyǵyn, kólik satatyn, kommýnaldyq bazarlar, ashyq alańda kókónis satatyn kóterme bazar 8:00-den 18:00-ge deıin jumys isteıdi. Ár aptanyń dúısenbisinde dezınfektsııa júrgiziledi. Halyqqa qyzmet kórsetý ortalyqtary 9:00-den 15:00- ge deıin elektrondy kezekpen qyzmet kórsetedi. Ekinshi deńgeıli bankter 9:00-den 18:00-ge deıin ashyq. Lombard, býkmekerlik keńse, advokattar keńsesi, jyljymaıtyn múlik agenttigi, notarıýs ta 9:00-den 18:00-ge deıin jumys isteıdi. Ashyq aspan astyndaǵy qoǵamdyq tamaqtaný orny saǵat 10:00-den 20:00-ge deıin qyzmet kórsetedi», - dep jazylǵan qaýlyda.
Eske salsaq, buǵan deıin engizilgen senbi, jeksenbidegi shekteýler alynyp tastaldy.


Joǵary qaraı