Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede 8 ózenniń arnasyn keńeıtý jumys áli toqtap tur

2021 jyldyń 13 qazan 2021 22:00

AQTÓBE. QazAqparat – Aqtóbede keıbir ekologııalyq joba aıaqtalmaı qaldy. Áli kúnge deıin 8 ózenniń arnasyn keńeıtý jumysy toqtap tur, dep habarlaıdy QazAqparat tilshisi.

Aqtóbe oblysynyń ekologııalyq problemalaryn sheshý úshin jol kartasy ázirlengen. 6 baǵytty qamtyǵan jol kartasynda keıbir joba iske aspaı qaldy. Bul týraly óńirlik kommýnıkatsııalar qyzmetinde ótken baspasóz máslıhatynda oblystyq ekologııa departamentiniń basshysy Nurjan Aqqul aıtty.

«Jalpy quny 826 mln teńge bolatyn sarqyndy sýlar tunbasyn kádege jaratý jobasy qolǵa alynǵan edi. Alaıda bul jumys kóp uzamaı toqtap qaldy. Sebebi «Aqtóbegazneftestroı» JShS-i jabdyqtardyń qymbattaýyna baılanysty jumysyn toqtatty. Tapsyrys berýshi josyqsyz merdiger dep taný týraly isti sotqa bermek», - dedi oblystyq Ekologııa departamentiniń basshysy Nurjan Aqqul.

Sonymen birge Aqtóbe qalasynda taldardyń esebin júrgizý jumysy toqtap tur.

«Jasyl jelekti esepke alý jumysy byltyr bastalǵanymen, aıaqsyz qaldy. Merdiger jumysty tolyq oryndamaı, kelispeýshilik týyndady. Qazir sot arqyly sheshilip jatyr», - dedi Nurjan Aqqul.

Jalpy oblys aýmaǵyn kógaldandyrý jumysyna bes jyldyq jospar qurylǵan. 30 744 gektar jerge kóshet egý jumysy júrgizilýi tıis. Qazir 910 gektary ıgerildi.

«Qala ákimdigi men «Sý sharýashylyǵyn jobalaý ınstıtýty» JShS-i arasynda kelisim bar. Bul qurylysy toqtap qalǵan 8 ózen máselesine qatysty shara. Qaıta jobalaýǵa 67 mıllıon teńge qarastyrylǵan. Túzetýler engiziledi. Kelisim jumystary áli jalǵasyp jatyr. Keıin qoǵamdyq tyńdaý ótkizilip, sodan soń ǵana jumys jalǵaspaq», - dedi Nurjan Aqqul.

Aıta keteıik, 8 ózenniń arnasyn keńeıtý jumysy 2019 jyly bastaldy. Keıin tabıǵat janashyrlary qarsy shyǵyp, joba toqtatyldy.


Joǵary qaraı