Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede advokattardyń tergeý ızolıatoryna kedergisiz kirýi talqylandy

2021 jyldyń 22 qyrkúıek 2021 01:48

AQTÓBE. QazAqparat - Advokattar óz qorǵaýyndaǵy kúdikti jáne aıyptalýshylarmen kezdesýiniń kedergisiz bolǵanyn qalaıdy. Eki tarap birigip, ortaq sheshim izdedi, dep habarlaıdy QazAqparat tilshisi.

Aqtóbe oblystyq qylmystyq- atqarý júıesi departamentine baǵynysty KA-168/1 mekemesinde QAJ departamentiniń basshylyǵy, oblystyq prokýratýranyń ókilderi jáne óńirdegi qoǵamdyq baqylaý komıssııasynyń tóraǵasy, sondaı - aq tergeý ızolıatorynyń tergeý-qamaýyndaǵy kúdiktiler men aıyptalýshylardyń advokattarynan quralǵan monıtorıng toby kóshpeli kezdesý uıymdastyrdy.

Mundaǵy maqsat - advokattardyń qorǵaýyndaǵy kúdikti jáne aıyptalýshylarymen kedergisiz kezdesýin uıymdastyrý. Monıtorıng toby kóshpeli kezdesýde advokattardyń QAJ mekemelerimen ózara is-qımyly, tergeý- qamaýyna alynǵan jáne sottalǵandardyń quqyqtyq kómek alýyna qatysty suraqtardy talqylady. Sondaı-aq olardyń konstıtýtsııalyq quqyqtaryn saqtaý mańyzdylyǵy jónindegi máselelerdi qarastyrdy.

Advokattardyń qorǵaýyndaǵy azamattarmen kezdesýin uıymdastyrý barysynda týyndaýy múmkin problemalyq suraqtardy talqylap, ony sheshýge baǵyttalǵan naqty usynystar qabyldandy.
Qazirde Aqtóbedegi KA-168/1 tergeý ızolıatorynda advokattardyń qorǵaýyndaǵy azamattarmen kezdesýi úshin arnaıy bólmeler qarastyrylǵan. Budan basqa, mekemede onlaın rejımde zańger kómegine júginýge múmkindik bar.

Joǵary qaraı