Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede alaıaqtyq jasady degen kúdikpen apaly-sińlili áıelder ustaldy

2021 jyldyń 16 qyrkúıek 2021 15:07

AQTÓBE. QazAqparat – Aqtóbede ınvestıtsııalyq salym, bırjalarda aqshanyń paıyzyn arttyrý syltaýymen adamdardan aqsha alǵan kúdiktiler ustaldy, dep habarlaıdy QazAqparat tilshisi.

Aqtóbe oblystyq polıtsııa departamenti adamdardy aldap, aqsha alǵan kúdiktilerdi qolǵa túsirdi.

«Polıtsııaǵa Aqtóbe qalasynyń 47 jastaǵy turǵyny aryz jazyp, óziniń aldanyp qalǵanyn aıtty. Zardap shegýshiniń aıtýynsha, tanysynyń úıinde otyrǵan kezde ınvestıtsııalyq salym týraly estip, bilgen. Apaly-sińlililer «Finiko» kompanııasyna ınvestıtsııa salý, bırjalarda aqshany aınaldyrý syltaýymen jábirlenýshiden qomaqty aqsha alyp ketken. Alaıda, aqsha da, ýáde etken eki eselengen qarjy da bolmaǵan. Jedel izdestirý sharasy barysynda kúdiktilerdiń jeke basy anyqtaldy. Olar apaly- sińliler bolyp shyqty. Keltirilgen zalaldyń somasy 10 mln teńgeni quraıdy», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, Qylmystyq kodekstiń «Alaıaqtyq» baby boıynsha sotqa deıingi tergeý bastaldy.


Joǵary qaraı