Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede ata-anasy ishimdik iship, qaraýsyz qaldyrǵan 2 aılyq sábıge kómek kórsetildi

2021 jyldyń 30 shilde 2021 16:56

AQTÓBE. QazAqparat – Іshimdik ishken aqtóbelikter 2 aılyq sábıge qaramaı, uıyqtap qalǵan. Kórshileri bala daýysynan oıanyp, polıtsııadan kómek surady, dep habarlaıdy QazAqparat tilshisi.

Oqıǵa búgin saǵat 03:30-da tirkeldi. №1 qalalyq polıtsııa bóliminiń kezekshi bólimine Makarenko kóshesiniń turǵyndary habarlasqan.

Balanyń jylap jatqany týraly habarlamadan soń mekenjaıǵa polıtsııa qyzmetkerleri jiberildi.

Páterden 2 aılyq náreste tabyldy. Ana-anasy úıde mas kúıinde jatyr.

«Tekserý kezinde anasynyń, 32 jastaǵy áıeldiń ishki ister organdarynyń esebinde turǵany belgili boldy. Sondyqtan polıtseıler balany bólimge jetkizdi. Alǵashqy kómek kórsetip, kıindirip, sút berdi. Jedel medıtsınalyq qyzmetti shaqyryldy», - dedi oblystyq PD baspasóz qyzmeti.

Qazirgi ýaqytta 2 aılyq bala sábıler úıine jatqyzyldy. Onyń ómiri men densaýlyǵyna eshqandaı qaýip tónip turǵan joq.

Ata-anasy qolaısyz otbasy retinde polıtsııa esebine alyndy. Aldaǵy ýaqytta olardy ata-ana quqyǵynan aıyrý týraly másele qarastyrylady.


Avtor Altynaı Saǵyndyqova
Basty sózder: Oqıǵa, Aqtóbe oblysy,
Joǵary qaraı