Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede azyq-túlik baǵasy qymbattady

2020 jyldyń 24 qarasha 2020 22:58

AQTÓBE. QazAqparat – Aqtóbe oblysy boıynsha qant, jumyrtqa, qaraqumyq, ósimdik maıy qymbattady, dep habarlaıdy QazAqparat tilshisi.

Áleýmettik mańyzǵa ıe 32 taýar túriniń 24-i óńirde óndiriledi. Ózgesi elimizdiń ár óńirinen jetkiziledi.

«Qarasha aıynda áleýmettik taýar quny 1,2% ósti. Qant Almaty men Jambylda ǵana shyǵarylady. Kúnbaǵys maıy, qaraqumyq jarmasy da ózgelerden ákelinedi. Sondyqtan baǵanyń kóterilgeni baıqalady. ıAǵnı, óndirýshiler baǵany ósirgen. Іri saýda jelileri áleýmettik mańyzy bar taýar baǵasyna tek 5 paıyz ústemeaqy qosa alady. Qazir jumyrtqanyń 10 danasy 336 teńge. Kúnbaǵys maıynyń ósýine shıkizat shyǵymynyń az bolýy sebep», - dedi oblystyq kásipkerlik basqarmasynyń basshysy Nurhan Tileýmuratov.

Aıta keteıik, ózindik ónimmen qamtý maqsatynda 2020-2022 jyldary 23 ınvestıtsııalyq joba iske asyrylady. Óńirde jylyna 35 myń tonna qus etin óndiretin fabrıka iske qosylady. Sol kezde tek Aqtóbe emes, batys óńiriniń suranysy qamtylady.

«Oblysta sút jáne sút ónimderi suranysyn qamtý úshin 7 taýarly sút fermasy ashyldy. Keler jyly 2500 sútti sıyr ustaıtyn jańa sharýashylyqtyń qurylysy bastalady. Halyqty azyq-túlikpen qamtý úshin turaqtandyrý qory da jasaqtaldy. Qazir 186 mıllıon teńgege kókónis pen áleýmettik mańyzy bar taýardy satyp alyp, saqtaldy. Nan baǵasyn ósirmeý úshin 600 mıllıon teńge suraldy. Sol kezde un kombınattary shıkizat qunyn turaqty ustap turady», - dedi oblystyq aýyl sharýashylyǵy basqarmasynyń basshysy Qusaıyn Sársembaı.


Joǵary qaraı