Aýa raıy
Astana -10 °S
Almaty -12 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede birneshe jol aqyly bolady

2020 jyldyń 23 qarasha 2020 21:52

AQTÓBE. QazAqparat – Samara-Shymkent, Batys Qytaı-Batys Eýropa dáliziniń bir bóligi aqyly bolady. Qazir óńirde qoǵamdyq tyńdaý ótip jatyr, dep habarlaıdy QazAqparat tilshisi.

Samara-Shymkent tasjolynyń Aqtóbe-Qobda-Batys Qazaqstan aýmaǵy, Batys Qytaı-Batys Eýropa halyqaralyq dáliziniń Aqtóbe-Mártók-Orynbor baǵyty aqyly bolady. Aldaǵy ýaqytta zamanaýı baǵdarlamalyq-apparattyq keshen iske qosylady. Keshen jol qozǵalysynyń qaýipsizdigin baqylaýǵa múmkindik beredi. Ári jol boıyndaǵy ınfraqurylymdy, sondaı-aq tranzıttik júk tasymalynyń qozǵalys jyldamdyǵy men aýqymyn baqylaýǵa múmkindik beredi.

«Aqtóbe-Oral jáne Aqtóbe-Orynbor jol ýchaskelerinde 5 baqylaý arkasy jáne klıenttermen jumys isteý ortalyǵy ornatylǵan. Arkalarda avtokóliktiń bir aımaqtan ekinshi aımaqqa ótýin tirkeıtin arnaıy kamera qoıylǵan. Aqyly jańa ýchaskelerde tólemderdi qabyldaýdyń «ashyq júıesi» bolady. Bir ereksheligi jol boıynda shlagbaýmdar men tólemderdi qabyldaý pýnktteri bolmaıdy. Bul kólik qozǵalysyn baqylap, keptelistiń aldyn alady. Jol júrý tólemi aldyn ala tóleý tásilimen nemese qolma-qol aqshasyz júzege asyrylatyn bolady», - dedi «Qazavtojol» AQ oblystyq fılıaly basshysynyń orynbasary Aıbol Danaǵul.

Aıta keteıik, Aqtóbe-Oral jáne Aqtóbe-Orynbor jol ýchaskesinde kommertsııalyq júk avtokóliginen ǵana jol júrý aqysy alynady. Bul baǵyt ІІ-sanattaǵy jolǵa jatatyndyqtan jeńil kólik ıelerinen aqy alynbaıdy.


Avtor Altynaı Saǵyndyqova
Basty sózder: Jol, Aqtóbe oblysy,
Joǵary qaraı