Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede tsısternadan tógilgen janarmaı 945 sharshy metr aýmaqqa jaıylǵan

2021 jyldyń 2 naýryz 2021 00:51

AQTÓBE. QazAqparat - Aqtóbede 22 vagon relsten shyǵyp, janar-jaǵarmaı jerge tógildi. Ekologtar topyraqtan synama aldy, dep habarlaıdy QazAqparat tilshisi.

Aqtóbe oblysy, Shalqar aýdany Ulpan stantsııasynda 22 vagony relsten shyǵyp ketti. Jedel túrde oqıǵa ornyna «QTJ» UK AQ-nan 65 qyzmetker jáne 2 qalpyna keltirý, 2 órt sóndirý poıyzy, tótenshe jaǵdaılar departamentinen 9 qyzmetker men 3 birlik tehnıka jumyldyryldy. Relsten shyqqan 13 tsısternanyń jeteýindegi benzın, dızeldi otyn tógildi. Osy oqıǵaǵa baılanysty ekologtar da tergeýdi bastady.

«Aqtóbe oblystyq ekologııa departamentiniń mamandary oqıǵa ornyna bardy. Tekserý kezinde dızeldi otyn men benzınniń tógilgeni anyqtaldy. Lastanǵan jer kólemi ólshendi. Esep boıynsha 945 sharshy metr aýmaqqa janar-jaǵarmaı tógilgen. Topyraq synamasy da alyndy. Qazirgi ýaqytta qalpyna keltirý jumysy bastaldy. Jospardan tys tekserýdiń qorytyndysy qosymsha habarlanady», -dedi oblystyq ekologııa departamentiniń baspasóz qyzmeti.


Joǵary qaraı