Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aqtóbede Dımash Qudaıbergen bilim alǵan mýzykalyq kolledj 50 jyldyǵyn atap ótti

2021 jyldyń 27 qyrkúıek 2021 03:15

AQTÓBE. QazAqparat – A.Jubanov atyndaǵy mýzykalyq kolledjge bıyl 50 jyl toldy. Ánshi Dımash Qudaıbergen beınequttyqtaýyn joldady, dep habarlaıdy QazAqparat tilshisi.

Aqtóbe mýzyka ýchılıesi 1971 jyly ashylyp, 1989 jyly Ahmet Jubanovtyń esimi berildi. Sodan beri 3 myńnan astam túlek túlep ushqan. 50 jyldyq mereıtoıǵa oraı munda «A.Jubanov murasy – bolashaq urpaqqa» atty kitap shyǵaryldy. Sonymen qatar kolledj týraly derekti fılm túsirildi. Mereıtoıǵa bıologııa ǵylymdarynyń doktory, akademık Ajar Jubanova men áýlettiń kelini Elmıra Jubanova, sonymen birge kolledj túlekteri, oqytýshylary qatysty. Al Dımash Qudaıbergen ózi bilim alǵan kolledjge beınequttyqtaýyn jiberdi.

«Eń aldymen mol baqyt, qajymas qaırat tilegim keledi. Ónerdiń bıik shyńyn baǵyndyra berińizder. Bizdiń sara jolymyzdy bastap bergen ustazdarymyz aman bolsyn! «Ustazdyq etken jalyqpas, úıretýden balaǵa» dep aıtady. Osy sátti paıdalana otyryp, maǵan áli kúnge deıin keńes berip, baǵyp-qaǵyp kele jatqan, jasym 30-ǵa kelip qalsa da úıretýden tanbaǵan ustazym Marat Oljabaıulyna sálem joldaǵym keledi. Bizdiń dırektorymyz Amanjol Dúısenulyna da sálem joldaımyn. Dına Nııazov meniń eń alǵashqy ustazym. Sizderdi qatty saǵyndym. Shyn júrekten sálem joldaımyn. Ahmet Jubanov atyndaǵy mýzykalyq kolledji damı bersin. Aldaǵy ýaqytta bizdiń urpaǵymyz, bizdiń urpaǵymyzdyń urpaǵy kolledjdiń 100, 200, 300, 500 jyldyǵyn toılaıtyndaı qurmetke jetsin. Elimiz aman, jurtymyz tynysh bolsyn! Alǵa qoıǵan maqsatqa anyq basyp jete berińizder», - dedi Dımash Qudaıbergen óz beınequttyqtaýynda.





Joǵary qaraı